وڭتۇستىك قازاقستاندا اۋە شارلارىنىڭ فەستيۆالى ءوتتى - فوتو
07:22, 26 - ناۋرىز 2018
استانا. قازاقپارات - وڭتۇستىك قازاقستان وبلىسىندا حالىقارالىق «اشىق اسپان» اۋە شارلارىنىڭ فەستيۆالى ءوتتى.
«ۇلىستىڭ ۇلى كۇنى - ناۋرىز» مەرەكەسى اياسىندا ۇيىمداستىرىلعان شاراعا ەلىمىزدەن بولەك رەسەي، ۋكراينا، قىرعىزستان، وزبەكستان، تۇركيانىڭ سپورتشىلارى قاتىستى.
بۇل تۋرالى وڭىرلىك اكىمدىكتىڭ باسپا ءسوز قىزمەتى حابارلايدى.
وندا فەستيۆال قاتىسۋشىلارى اۋە شارلارىن كوكتە قالىقتاتىپ، كورەرمەن كوزايىمىنا اينالدى. سونداي-اق، تاجىريبەلى سپورتشىلار اۋە شارلارىن باسقارۋ بويىنشا شەبەرلىك ساباعىن وتكىزدى.
جيىن بارىسىندا قالىقتاعان 15 اەروستاتپەن كوككە كوتەرىلۋ باقىتى شىمكەنت تۇرعىندارى مەن قالا قوناقتارىنا دا بۇيىردى. فەستيۆال ەلىمىزدىڭ ەسترادا جۇلدىزى عالىمجان مولدانازاردىڭ كونسەرتتىك باعدارلاماسىنا ۇلاستى.