«كونكۋرس قازاقتىڭ كونە ءداستۇرلى ونەرلەرىنىڭ ءبىرى - تەرمەنى ناسيحاتتاۋ ماقساتىندا ۇيىمداستىرىلدى. وعان د. نۇرپەيىسوۆا اتىنداعى حالىق مۋزىكا اكادەمياسى اتىراۋ مۋزىكالىق كوللەدجىنىڭ، اتىراۋ مەديتسينالىق كوللەدجىنىڭ، مۋزىكالىق مەكتەپ وقۋشىلارى مەن قالا كوللەدجدەرىنىڭ ستۋدەنتتەرى، بالالار باقشالارىنىڭ تاربيەشىلەرى قاتىستى. اقىندار تانىمال قازاقستاندىق اۆتورلاردىڭ تۋىندىلارىن ورىنداپ، ءوز شىعارمالارىمەن تانىستىردى» ، - دەدى قالالىق مادەنيەت جانە تىلدەردى دامىتۋ ءبولىمىنىڭ باسشىسى اقىلبەك رىسقاليەۆ.
باس جۇلدەنى د. نۇرپەيىسوۆا اتىنداعى حالىق مۋزىكا اكادەمياسى اتىراۋ مۋزىكالىق كوللەدجىنىڭ ستۋدەنتى ارۋجان ەرىموۆا جەڭىپ الدى. ءبىرىنشى جانە ەكىنشى ورىنعا وسى كوللەدجدىڭ ستۋدەنتتەرى سايات قۇلشايەۆ پەن اليدا حۋانوۆا يە بولدى. ءۇشىنشى ورىندى دامبى جانە قايىرشاحتى بالالار مۋزىكا مەكتەبىنىڭ وقۋشىلارى دارىن جۇماشيەۆ پەن ايگەرىم قۋاندىقوۆا ءوزارا ءبولىستى.
بۇل كونكۋرس «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ اياسىندا ءوتتى. ونى «جاس ورەن» قوعامدىق بىرلەستىگى مەن قالالىق مادەنيەت جانە تىلدەردى دامىتۋ ءبولىمى ۇيىمداستىردى.
فوتو: qamshy.kz