بۇل مەيىرىمدى بالانىڭ ەسىمى - ءاليحان بيداحمەتوۆ. ونىڭ جاسى نە بارى 5 تە. اكەسى جۇمىسىندا اياگوزگە گۋمانيتارلىق كومەك جيناپ، الىپ بارا جاتقانىن كورگەن ۇلى جاقسى كورەتىن ويىنشىق ماشيناسىن سىيلاپتى.
بۇل جايلى ءوزىنىڭ الەۋمەتتىك جەلىدەگى پاراقشاسىندا اياگوزدەگى جاستار ورتالىعىنىڭ ديرەكتورى سايات يبرايەۆ حابارلاپ، كوپشىلىكتى ەلەڭ ەتكىزدى.
«مىنا ويىنشىق ماشينا كوڭىلىمىزدى بوساتتى. ونى وسكەمەندىك بەس جاسار بالا تابيعي اپاتتان قينالىپ جاتقان بالالارعا كوڭىلدەرىنە دەمەۋ رەتىندە بەرىپ جىبەرىپتى...»، - دەيدى سايات يبرايەۆ.
بۇل وقيعاعا قايىرىمدى 5 جاسار بالانىڭ اكەسى ءوزىنىڭ پىكىرىن ءبىلدىردى.
«20 -ناۋرىز كۇنى جۇمىسىمىزدا تاسقىننان زارداپ شەككەندەرگە الەۋمەتتىك كومەك جيناعان ەدىك. سول كەزدە كوپ سۋ ەتىك ساتىپ الدىق. ونى كورگەن بالام «نە ءۇشىن كوپ ەتىك ساتىپ الدىڭىزدار؟» دەپ سۇرادى. مەن اياگوزدەگى سۋ تاسقىنى تۋرالى ايتىپ، ءتۇسىندىرىپ ەدىم، «اكە، ەگەر ول جەردەگى بالالارعا قاجەت بولسا، مەنىڭ ويىنشىعىمدى بەرشى» دەپ، جاقسى كورىپ وينايتىن ماشيناسىن ۇسىندى»، - دەيدى ءاليحاننىڭ اكەسى داۋرەن سارسەمبايەۆ.
ايتا كەتسەك، داۋرەن سارسەمبايەۆ - ش ق و جەكە سوت ورىنداۋشىلارىنىڭ وڭىرلىك پالاتاسىنىڭ باسشىسى قىزمەتىن اتقارادى.