بۇل رەكوردقا ەلورداداعى «قازاق ەلى» مونۋمەنتى ماڭىنداعى الاڭدا ناۋرىز مەيرامىن مەرەكەلەۋگە جينالعان جۇرتشىلىق كۋاگەر بولدى.
«وزدەرىڭىز بايقاعانداي، مۇنداي جاتتىعۋدى ىستەۋ وڭاي ەمەس. تەپە- تەڭدىكتى ساقتاۋ وتە قيىن، ياعني كۇندەلىكتى ومىردە كەۋدەنى جەردەن كوتەرۋ جاتتىعۋىن جاساپ جۇرگەن ادامدار وسىنى جاقسى بىلەدى. ۇشجۇزدىك شەگەگە تۇرىپ، تەپە- تەڭدىكتى ساقتاپ، وسىنداي باتىل قادامعا بارۋ - كەز كەلگەن ادامنىڭ قولىنان كەلە بەرمەيدى. جاڭا ساحناداعى ەسەپتەۋ بارىسىندا 13 رەت سانالدى، ءبىراق ءبىز 11 سانىن تىركەيمىز. سەبەبى 11 مارتە تازا جاسالدى. تيمۋر بۇعان دەيىنگى دايىندىق كەزىندە شەگەنىڭ ۇستىندە تۇرىپ كەۋدەنى جەردەن 20 رەت كوتەرگەن بولاتىن. دەگەنمەن دە، وسىنىڭ ءوزى ۇلكەن جەتىستىك. بۇل رەتتە ءبىز ءوزىمىزدىڭ قۇتتىقتاۋىمىزدى جەتكىزگىمىز كەلەدى جانە قازاقستان رەكوردتار كىتابىنىڭ سەرتيفيكاتىن تابىستايمىز. اتالعان سەرتيفيكات شەگەدە تۇرىپ وسى جاتتىعۋدى ەلىمىزدە ءبىرىنشى بولىپ جاساعان تيمۋر سپاتايەۆتىڭ قازاقستان رەكوردتار كىتابىنا رەسمي تۇردە ەنگەنىن راستايدى»، - دەدى قازاقستان رەكوردتار كىتابىنىڭ وكىلى شىڭعىس قۇدايبەرگەنوۆ.
ءوز كەزەگىندە تيمۋر سپاتايەۆ قول جەتكىزىپ وتىرعان بۇل جەڭىسىن ناۋرىز مەيرامىندا استانانىڭ 20 جىلدىعىنا ارنايتىنىن اتاپ ءوتتى.
«بۇگىن «قازاق ەلى» مونۋمەنتى الاڭىندا قازاقستان رەكوردىن ورناتتىم. وسى ورايدا جاستارعا، بۇلدىرشىندەرگە سپورتپەن شۇعىلدانىپ، ءوزىنىڭ العا قويعان ماقساتىنا جەتىپ، بيىك تابىستاردى ەڭسەرسىن دەپ تىلەيمىن. وسى شارادا قولداۋ بىلدىرگەن ەل حالقىنا ۇلكەن العىسىمدى ايتامىن. بۇدان ارى قاراي دا رەكوردتاردى جاڭارتۋعا تىرىسامىن»، - دەپ توقتالدى تيمۋر سپاتايەۆ.
ونىڭ سوزىنە قاراعاندا، الەمدە ءۇش شەگەنىڭ ۇستىندە تۇرىپ وسىنداي جاتتىعۋدى جاساعان ادامدار بار.
«قازاقستان بويىنشا رەكوردتى جاڭارتىپ وتىرعان ءبىرىنشى ادام رەتىندە تىركەلدىم. وسىعان ەكى جارىم جىلدان بەرى دايىندالدىم. دايىندىق كەزىندە بۇدان دا كوبىرەك جاساپ ءجۇردىم. بۇعان دەيىن شەگەنىڭ ۇستىندە تۇرىپ 5 رەت جاساعاننىڭ ءوزى رەكورد بولاتىنى ايتىلعان. استانانىڭ 20 جىلدىعىنا ارناپ 20 مارتە كوتەرىلەمىن دەپ ماقسات ەتىپ قويعان ەدىم. ءبىراق كەلەشەكتە الدىما قويعان ماقساتتاردى ىسكە اسىرامىن»، - دەدى رەكوردشى.
اۆتور: رۋسلان عابباسوۆ