استاناداعى ناۋرىز: پرەزيدەنت كيىز ۇيدەگى داستارقان باسىندا نە تۋرالى ايتتى
ۇلكەن كيىز ۇيگە دە باس سۇعىپ، ناۋرىز مەيرامىنا ارنالعان داستارقاننان ءدام اۋىز ءتيدى. ول جەردە پرەزيدەنت جارتى ساعاتتان كوپ ۋاقىت بوگەلدى، دەپ حابارلايدى قازاقپارات ءتىلشىسى.
ق ر پارلامەنت ءماجىلىسىنىڭ دەپۋتاتى قۋانىش سۇلتانوۆتىڭ ايتۋىنشا، داستارقاننىڭ ۇستىندە پرەزيدەنت بيلىكتىڭ بارلىق باستامالارىن ءاربىر ازاماتقا جەتكىزۋ ماسەلەسىن قوزعادى. "ەلباسى ءوزىنىڭ سوڭعى بەس الەۋمەتتىك باستاماسىن حالىق قالاي قابىلداپ جاتقانىن سۇرادى. وسىنىڭ توڭىرەگىندە پىكىر الىستىق. ءبىز ناۋرىز مەيرامىنان كەيىن وڭىرلەرگە بارۋدى جوسپارلاپ وتىرمىز. سول كەزدە پرەزيدەنتتىڭ باعدارلاماسىن حالىققا ءتۇسىندىرۋ جۇمىستارىنا باسىمدىق بەرۋ كەرەك. سەبەبى ۇلكەن شەشىم قابىلداندى. 7 پروتسەنتتىك يپوتەكا، جاتاقحانا سالۋ، سالىقتان بوساتۋ بار. ەندى، سونىڭ ءبارىن ىسكە اسىرعاندا بيۋروكراتياعا جول بەرمەي، ءاربىر ازاماتقا جەتكىزۋىمىز كەرەك. ويدان شىعارىلعان توسقاۋىلدارعا دا جول بەرمەۋىمىز قاجەت. بۇدان بولەك، حالىقتىڭ جاعدايى، كورشىلەردىڭ جاعدايى جايىندا سويلەستىك"، - دەدى ق. سۇلتانوۆ قازاقپارات تىلشىسىنە بەرگەن سۇحباتىندا.
پرەزيدەنتپەن بىرگە كيىز ۇيدە استانا قالاسىنىڭ اكىمى اسەت يسەكەشيەۆ، رەجيسسەر تالعات تەمەنوۆ، ۇلتتىق كارديوحيرۋرگيا ورتالىعىنىڭ باسشىسى يۋري پيا، "قارۋلى كۇشتەر ارداگەرلەرى" بىرلەستىگىنىڭ ءتوراعاسى مۇحتار التىنبايەۆتار بولدى. ال ق ر پرەمەر- ءمينيسترى باقىتجان ساعىنتايەۆ، ق ر پارلامەنتى سەناتىنىڭ ءتوراعاسى قاسىم- جومارت توقايەۆ، ق ر پارلامەنتى ءماجىلىسىنىڭ سپيكەرى نۇرلان نىعماتۋلين، "سامۇرىق- قازىنا" اق باسشىسى احمەتجان ەسىموۆ جانە تاعى باسقا شەنەۋنىكتەر دالادا كۇتىپ تۇردى. كيىز ۇيدەن شىققاننان كەيىن مەملەكەت باسشىسى نۇرسۇلتان نازاربايەۆ "قارا جورعا" ءبيىن تاماشالادى.
ايتا كەتەيىك، بۇگىن پرەزيدەنت كونگرەسس- ورتالىقتا بولىپ، ناۋرىز مەيرامىنا ارنالعان "جاڭارعان جەر، باق قونعان نۇرلى ەل" اتتى جاڭا ميۋزيكلدى تاماشالادى.
"باعزى زاماننان كەلە جاتقان مەرەكە تاۋەلسىزدىكپەن بىرگە قايتا ورالدى. مىنەكي، تاۋەلسىزدىكتى العالى بەرى وسى ناۋرىزدى اتاپ كەلە جاتىرمىز. تۇبىندە بۇل ءبىزدىڭ نەگىزگى جاڭا جالدىق مەرەكەمىز بولادى"، - دەدى ن. نازاربايەۆ.