گولوۆكين الدا جوسپارلانعان مەكسيكالىق ساۋل الۆارەسپەن (49-1-2, 34 كو) قارىمتا جەكپە- جەگىنە دايىندىق تۋرالى ايتىپ، وعان تۇزەتۋلەر ەنگىزۋگە قاتىستى پىكىرىمەن ءبولىستى.
- بارلىعى جاقسى. ەكىنشى ايقاسقا ۇلكەن جوسپارلار بار. دايىندىققا قىزۋ كىرىسىپ كەتتىك. سپاررينگتەر باستالدى.
- ريەۆانش الدىندا وزگەرتۋدى نەمەسە جاقسارتقىڭ كەلەتىن تۇستار بار ما؟
- كوپ نارسەنى وزگەرتكىم كەلمەيدى. سەبەبى مەن ءبىرىنشى ايقاستى جەڭدىم - مەن بۇعان سەنىمدىمىن. وسىعان دەيىن «كانەلو» ەش ۋاقىتتا اينالشاقتاپ قاشقان ەمەس. ءبىراق ءبىرىنشى جەكپە- جەگىمىزدە ول ۋسەين بولت سياقتى جۇگىرىپ ءجۇردى! مۇمكىن وعان وزگەرۋ جاعىن ويلانۋ كەرەك شىعار.
قوس بوكسشى اراسىنداعى العاشقى جەكپە- جەك 2017 -جىلدىڭ 16 -قىركۇيەگىندە لاس- ۆەگاستا وتكەن بولاتىن. ول تورەشىلەردىڭ شەشىمىمەن تەڭ اياقتالدى. ريەۆانش اعىمداعى جىلدىڭ 5 - مامىرىنا بەلگىلەندى.
ەسكە سالايىق، ناۋرىز ايىنىڭ باسىندا ساۋل الۆارەستەن الىنعان دوپينگ سىنامالاردىڭ بىرىنەن تىيىم سالىنعان پرەپارات تابىلدى. ونىڭ مۇددەسىن قورعايتىن Golden Boy پروموۋتەرلىك كومپانياسى بوكسشىنىڭ قان قۇرامىنان تىيىم سالىنعان پرەپارات - كلەنبۋتەرول تابىلعانى تۋرالى اقپاراتتى راستاعان بولاتىن.
ال كەشە گولوۆكين دوپينگ داۋىنان كەيىن «كانەلوعا» ايقاسۋعا تىيىم سالىنسا، كەلەسى جەكپە- جەگىن كىممەن وتكىزەتىنىن ايتتى.