اتىراۋدا ناۋرىزعا تىگىلگەن ادەمى كيىز ۇيلەرگە بايقاۋ جاريالاندى
نەگىزگى مەرەكەلىك شارالار وبلىس اكىمدىگىنىڭ الدىنداعى «بەيبارىس سۇلتان» الاڭىندا وتەدى. قازىر وندا تىگىلگەن كيىز ۇيلەردىڭ سانى 23-كە جەتتى. بۇدان تىس، قالاداعى 7 الاڭدا ويىن- ساۋىق ۇيىمداستىرىلادى. ورتالىق «يمانعالي» مەشىتىنىڭ اۋماعىندا، «جەڭىس» ساياباعىندا، اۆانگارد، پريۆوكزالنىي، بالىقشى، جيلگورودوك، نۇرسايا ىقشاماۋداندارىندا قازاقتىڭ اق كيىز ۇيلەرى تىگىلىپ جاتىر.
«21 - ناۋرىزدا «بەيبارىس سۇلتان» الاڭىندا ءتۇرلى ۇيىمداردىڭ ۇجىمدارى اراسىندا ۇلتتىق سالت- داستۇرلەر بويىنشا بايقاۋ وتەدى. 22 - ناۋرىزدا تەاتر كورىنىستەرى، ۇلتتىق ويىندار، سپورت جارىستارى ۇيىمداستىرىلادى. مەرەكەدە ەڭ ادەمى كيىز ءۇي يەسىنە 300 مىڭ تەڭگە سىياقى تاپسىرىلادى. ال ەكىنشى ورىنعا - 200 مىڭ، ءۇشىنشى ورىنعا - 100 مىڭ بەرىلەدى»، - دەيدى قالالىق مادەنيەت جانە تىلدەردى دامىتۋ ءبولىمىنىڭ باس مامانى قۇرالاي قۇماروۆا.