تۇرىك ايەل جالعىز ءوزى تۇتاس ءبىر تايپانىڭ ءومىرىن وزگەرتتى - فوتو
13:14, 20 - ناۋرىز 2018
استانا. قازاقپارات - سەبدە سەبان ۋساك ەسىمدى تۇرىك ايەل اۋەسقوي فوتوگراف ءارى ساياحاتتاعاندى جاقسى كورەدى.
ول الەمدى شارلاپ ءجۇرىپ، تانزانيادان بولاشاق جارىن كەزىكتىرەدى. تۇرمىس قۇرعان سوڭ ول تانزانيالىق مۇسىلمانداردىڭ ءومىرىن جاقسارتۋعا كومەكتەسەدى. ول بىرنەشە قايىرىمدىلىق قورىنا ەكى مىڭ ادامنان تۇراتىن ماساي تايپاسى تۋرالى ايتىپ، ناتيجەسىندە ءتورت قۇدىق قازىلادى. مۇنىمەن عانا شەكتەلىپ قالماي، جەرگىلىكتى تۇرعىنداردى كوكونىس پەن جەمىس-جيدەك، باسقا دا باقشا ونىمدەرىن وسىرۋگە باۋليدى. قازىر وندا وسىمدىكتىڭ 15 ءتۇرى وسىرىلەدى.
ونىڭ بۇل ەڭبەگى ەلەۋسىز قالماي، الەۋمەتتىك جەلىدە دارىپتەلىپ، كوپتەگەن ماراپاتقا يە بولادى. ءتىپتى، تۇركيانىڭ ءدىن ىستەرى جونىندەگى باسقارما تاراپىنان حالىقارالىق قايىرىمدىلىق قوزعالىسقا قوسقان ۇلەسى ءۇشىن ماراپاتتالدى.