ولاردىڭ جانىندا ارىق قىزدار تۋرالى اڭگىمە بولماعان. قابىرعاسى كورىنىپ، جاۋىرىنى جالپايعان، جاق سۇيەگى ۇرپيگەن، سۇيەكتەرى كورىنگەن ارۋلاردى كەدەيدىڭ قىزى نەمەسە اۋرۋ رەتىندە ساناعان. ورىس قىزدارى كوبىنەسە اتا-اناسى دۇرىس تاماقتاندىرماعان جاعدايدا عانا بويىنا ەت جيناماعان. دەمەك، وتباسى قانشالىقتى كەدەي بولسا، بولاشاق قۇدالار جاعى ولارعا قاراعان.
ەكىنشى جاعىنان ارىقتىق اۋرۋدىڭ دا بەلگىسى بولۋى مۇمكىن. مۇنى ۇلت ءۇشىن ۇيات ساناعان. ەگەر شىن مانىندە دەرتتى بولسا، بالا تۋۋ قيىنعا سوعادى دەپ ويلاعان. شىن مانىندە تۇلا بويى تەمىردەي، دەنساۋلىعى مىقتىلارى عانا ايەلدىك مىندەتىن ابىرويمەن اتقارادى دەپ ەسەپتەگەن.
رۋس ەلىندە كونتراتسەپتسيا دەگەندى ەشكىم ەستىمەگەن، بىلمەگەن. سوندىقتان ايەلدەر ءجيى بالا تۋعان. ۇلكەن وتباسى ولار ءۇشىن دە ۇيرەنشىكتى قۇبىلىس ەدى. بالالى بولۋىمەن قاتار، ولاردى تاماقتاندىرۋ، اسىراۋ، تاربيەلەۋ دە ابىرويلى مىندەت بولدى. اق جاۋلىقتىلار ەگىستىكتە جۇمىس ىستەپ، ءۇي شارۋاسىن دا قاتار اتقارعان. بۇل ءۇشىن زور دەنساۋلىق قاجەتتىگىن دە ەشكىم ەستەن شىعارماعان.
قىزىقتىرعان كەلىندەر
كەلىن تاڭداۋ بارىسىندا بالانىڭ شەشەسى بولاشاق كەلىننىڭ دەنساۋلىعىنا بارىنشا زور كوڭىل بولگەن. اسىرەسە، ونىڭ تۋۋ قابىلەتى، جامباسىنىڭ كەڭدىگى، كەۋدەسىنىڭ كوتەرىڭكىلىگى، اياعىنىڭ ءتۇزۋ ءارى تولىقتىعىنا ءمان بەرگەن. بويشاڭدىعى مەن مۇسىنىندە دە ءمىن بولماۋى ءتيىس. ونىڭ ارقا ومىرتقاسىنىڭ تىكتىگىن دە جاقسىلىقتىڭ بەلگىسى ساناعان. ءمۇسىنىنىڭ تىك، كەۋدەسىنىڭ كوتەرىڭكىلىگى - قىزدىڭ ابىرويىن كوتەرگەن. وسىنداي ايەلمەن ءاربىر ەركەك ماقتانعان. ويتكەنى بۇل - سۇلۋلىق كورسەتكىشتەرى.
سۇلۋ كەلىننىڭ جۋان ءارى ۇزىن بۇرىمى بولۋى مىندەتتى سانالعان. ۇزىن شاش - ورىس ايەلىنىڭ مىندەتتى اتريبۋتى. سوعان قاراپ ايەلدىڭ سۇلۋلىعىن، نازىكتىگىن، ادامگەرشىلىگى مەن ابىرويىن بايقاعان. ال جەڭىل ءجۇرىستى ايەلدەردىڭ ۇزىن شاشىن كەسىپ تاستايتىن ءداستۇر بولعان.
سونىمەن قاتار قالىڭ جانە مىقتى شاش ايەلدەردىڭ جاقسى گەنەتيكاسىنان حابار بەرگەن، دۇنيەگە مىقتى بالا اكەلەدى، ۇرپاعىمىز جاقسى بولادى دەپ سەنگەن. دۇنيەگە كەلگەن بالالاردىڭ دەنىنىڭ شاشتارى اقشىل نەمەسە سارى بولىپ كەلگەن. شاشتىڭ وسى ءتۇسىن ولار سۇلۋلىق ساناتىنا قوسقان.
اپپاق بەتتەگى ارمان
قىزدار ءۇشىن سۇلۋلىق يدەالدارىنىڭ ءبىرى - بەت الپەتىنىڭ گارمونيالىق جاعىنان كەلىستى، اپپاق بولۋى. سۇيرىكتەي ەرىنى، كوزىنىڭ ۇلكەندىگى، ورىستىڭ قىزدارىنا ءتان سۇلۋلىق دەپ ەسەپتەگەن. بولاشاق كەلىندەرىن وسىلاي ەلەستەتىن ورىستار ۇلتتىق قۇندىلىقتارىنا اسا ءمان بەرگەن.
ادەمىلىكتىڭ باستى بەلگىسى - بەتتىڭ ۇلكەنى ەمەس، ءبىراق دوڭگەلەك كەلگەنى. جاعى قۋشيعان، مىقىنىن ماي باسقانداردى ەشكىم ۇناتا قويماعان. ورىس ايەلدەرى كوبىنەسە بەلدىكسىز سارافان كيگەن.
سۇلۋلىقتىڭ ەرەكشى - قاسيەتى قىزدىڭ سىپايىلىعى. ول قىزدىڭ كىرپىگىن تومەن سالىپ، ۇيالىپ سويلەيتىندىگىنەن، سوزگە ساراڭدىعىنان، تاربيەلىلىگىنەن بايقالعان. اسىرەسە كۇيەۋىنە باعىنىشتىلىعى - باستى سۇلۋلىق سانالعان. وتباسىنىڭ باستى باقىتى وسى بولعان.
الەمدى مويىنداتقان 10 ورىس قىزى
ورىس قىزدارىنىڭ سۇلۋلىعى ەرەكشە ميستيكا عايا. عالىمدار وسىلاي دەيدى. ول فوتوعا سۇيكىمدى تۇسەتىندىگى عانا ەمەس، قۇپيالىلىعى مەن نازىكتىگى، پەرىشتەدەي تارتىمدىلىعى الەمدى تامساندىرۋمەن كەلەدى.
ساشا پيۆوۆاروۆا
الەمدەگى ەڭ تارتىمدى ءارى ايگىلى مودەل. ساشا پيۆوۆاروۆا Prada كومپانياسىنىڭ جارناماسىنا ۇزدىكسىز التى رەت قاتىسقان جالعىز ادام. ونىڭ سۇلۋلىعى برەندكە اينالعان ونىمدەردىڭ جارناماسىن جاساۋ ءۇشىن كەلىسىمشارتتارعا وتىرۋعا نەگىز بولىپ كەلەدى.
يرينا شەيك
«ميسس چەليابينسك-2004» بايقاۋىندا ءبىرىنشى ورىن العان يرينا اتاقتى انشىلەردىڭ كليپتەرىنە ءتۇسىپ ۇلگەرگەن.
ناتاشا پولي
ول - باتىستا بەلگىلى سۋپەرمودەل. Gucci, H جانە M، JimmyChoo, NinaRicci, LouisVuitton, Prada, CalvinKlein, Dolce مەن Gabbana تاعى باسقالارمەن كەلىسىمشارت نەگىزىندە جۇمىس ىستەگەن.
اننا كۋرنيكوۆا دا - الەمگە تەز تانىلعان قىز.
داريا ستروكوۋس - ل ءسان شوۋلارىنا ءجيى قاتىسادى.
ماريا شاراپوۆا - جەر شارىنداعى مىقتى تەننيسشىلەردىڭ ءبىرى.
ۆلادا روسلياكوۆا NinaRicci, Dolce Gabbana, Versace, Lacoste DKNY، Prada, Gucci جانە
Moschino ارقىلى تانىلعان ارۋ.
كاتيا شەكينا - بۇل دا ومىردەن ءوز جولىن سۇلۋلىعى ارقىلى تاپقان.
الينا كابايەۆا - اتاقتى گيمناسشى. ول سوڭعى كەزدەرى ساياساتتا دا باق سىناپ ءجۇر.
وكىنىشكە قاراي، اتى اتالعان ارۋلاردىڭ بارلىعى ەجەلگى ورىس حالقىنىڭ سالت-ءداستۇرىن مىقتى ساقتاعان دەسەك، قاتەلەسكەن بولار ەدىك. باتىستىڭ مادەنيەتىن ەرتەرەك يگەرگەن ۇلتتىڭ قىزدارى سىرتى سۇلۋ بولعانىمەن، ىشكى جان دۇنيەلەرى ءارتۇرلى. بۇگىنگى ورىس قىزدارى تۋرالى باسقاشا باعا بەرۋگە بولادى. وعان سەبەپ بولعان جاھاندانۋ ساياساتى.
بۇگىنگى قىزدار دەنەسىنە سۋرەت سالدىرىپ، قۇلاعى تۇگىلى بەتى-باسىنا، قارنىنا دەيىن تەمىر ءىلىپ، قالاعان ىسىمەن اينالىساتىن بولعان. وسىنى كورگەن قازاق قىزدارىنىڭ دا قازىرگى ءحالى مۇشكىلدەۋ. نەگىزى ءبىزدىڭ ۇلت قانداي قىزدى ۇناتقان، كەلىنىنىڭ قانداي بولعانىن ارمانداعان؟ بۇل تۋرالى تاعى بىردە ايتىپ بەرەمىز...
«ايقىن»