ماڭعىستاۋ وبلىسىندا تۇيە سۇتىنەن بالمۇزداق وندىرىلمەك

استانا. قازاقپارات - ماڭعىستاۋ وبلىسىندا تۇيە سۇتىنەن ەندى بالمۇزداق پەن قۋاتتاندىراتىن سۋسىن دايىندالادى. بۇل وندىرىسكە اراب تەحنولوگياسى قولدانىلماق. وبلىس كاسىپكەرلەرى سونداي- اق بىرىككەن اراب امىرلىكتەرىنىڭ تاجىريبەسى بويىنشا بالىق شارۋاشىلىعى، كوكونىس قويماسى مەن تەڭىز سۋىن تۇشىتاتىن زاۋىت سالۋدى كوزدەپ وتىر.

 ابۋ دابيگە جۇمىس ساپارىمەن بارعان ماڭعىستاۋلىق دەلەگاتسيا امىرلىكتىڭ ساۋدا- ونەركاسىپ پالاتاسىمەن بىرلەسە جۇمىس ىستەۋگە كەلىستى. بىرىككەن اراب امىرلىكتەرى مەن ماڭعىستاۋلىق كاسىپكەرلەر اراسىندا تىكەلەي بايلانىس ورنادى. «كاسپي» الەۋمەتتىك كورپوراتسياسى مەن قۇرامىندا 17 مىڭ ءوندىرىس وشاعى بار ابۋ دابي ساۋدا- ونەركاسىپ پالاتاسى ينۆەستيتسيالىق جانە ىسكەرلىك ىنتىماقتاستىقتى نىعايتۋعا كەلىستى.

 مۇحاممەد ءال مۇحايري، ابۋ دابي ساۋدا ونەركاسىپ پالاتاسىنىڭ باس ديرەكتورى:

 -  بۇگىن قول قويىلعان مەموراندۋم ەكى ەل كاسىپكەرلەرى ءۇشىن دە ءتيىمدى بولماق. بولاشاقتا بىرلەسكەن ينۆەستيتسيالىق جوبالاردى جۇزەگە اسىرماقپىز. ءبىز مۇناي- گاز، شيكىزاتتىق ەمەس سالانى دامىتۋعا، اقپاراتتىق تەحنولوگيا مەن اۋىلشاراشىلىق سالالارىنداعى ورتاق جوبالاردى قاراستىرۋعا دايىنبىز.

بىرىككەن اراب امىرلىكتەرىنىڭ تاجىريبەسىنە سۇيەنە وتىرىپ، ماڭعىستاۋدا ءبىرقاتار جوبانى جۇزەگە اسىرۋ كوزدەلۋدە. وزىق تەحنولوگيامەن تەڭىز سۋىن تۇشىتاتىن زاۋىت سالىنباق. تاۋلىگىنە 50 مىڭ تەكشە مەتر سۋدى سۇزەتىن كاسىپورىن قۇرىق اۋىلىندا بوي كوتەرەدى. كوكونىس ساقتايتىن قويمانىڭ قۇرىلىسىنا دا اراب تەحنولوگياسى مەن ينۆەستورلارىن تارتۋ جوسپارلانۋدا. جوبانىڭ قۇنى -  2 ميلليارد 700 ميلليون تەڭگە.

لەسبەك ىلەبايەۆ، «كاسپيي» الەۋمەتتىك كاسىپكەرلىك كورپوراتسياسىنىڭ باسقارما ءتوراعاسىنىڭ مىندەتىن اتقارۋشى:

-  بالىق شارۋاشىلىعىن ءوندىرۋ بويىنشا جۇمىستار جۇرگىزىلىپ جاتىر. سوعان ينۆەستيتسيا قۇيۋ ماسەلەسى بويىنشا جوبا تۇر. ناقتىراق ايتاتىن بولساق، 744 ميلليون تەڭگەگە جۋىق ينۆەستيتسيا قاجەت. وسى بالىق ءوندىرۋ بويىنشا، وسى ب ا ءا وزىق تەحنولوگيالارى بار. سول وزىق تەحنولوگيالاردى قاراستىرىپ، ينۆەستيتسيا تارتۋ بويىنشا جۇمىس جۇرگىزىلەدى.

ماڭعىستاۋلىق دەلەگاتسيا دۋبايداعى تۇيە ءسۇتىن وندىرەتىن ءىرى زاۋىتتىڭ جۇمىسىمەن تانىستى. مۇندا ءىرى قارانىڭ سۇتىنەن بالمۇزداق، ىرىمشىك، شوكولاد پەن ءتۇرلى سۋسىندار دايىندالىپ، الەمنىڭ ءبىرقاتار ەلىنە ەكسپورتتالىپ جاتىر. قازاق ىسكەرلەرى امىرلىكتىڭ تاجىريبەسىن پايدالانىپ، تۇيە سۇتىنەن بالمۇزداق پەن قۋاتتاندىراتىن سۋسىن وندىرمەكشى. جوبانىڭ قۇنى -  210 ميلليون تەڭگە. «بۇل جوبانى جۇزەگە اسىرۋ ءۇشىن ماڭعىستاۋدا مۇمكىندىك بار»، -  دەيدى ءوڭىر باسشىلارى.  بيىل ايماقتا مول ءسۇت بەرەتىن ارۋانا تۇيەلەرى وسىرىلە باستادى.

اۆتورلارى: گۇلميرا ابىشيەۆا، رەنات دوسالييەۆ

www.24.kz