ونىڭ قورعاۋشىسىنىڭ سوزىنە قاراعاندا، گۋريب- فاكيم ەلدىڭ «ۇلتتىق مۇددەسىن» ويلاعاندىقتان وتستاۆكاعا كەتۋ تۋرالى ءوتىنىش جازعان.
بۇرىن جەرگىلىكتى ب ا ق- تا پرەزيدەنت انگولانىڭ ۇكىمەتتىك ەمەس ۇيىمى سىيعا تارتقان نەسيە كارتاسىنان 27000 دوللار مولشەرىندە جەكە وزىنە زاتتار ساتىپ العانى تۋرالى اقپارات تاراعان بولاتىن. ول ۇيىم ماۆريكيدەگى قىزمەتىن جانداندىرۋ ماقساتىندا وسىنداي قادامعا بارعان بولۋى مۇمكىن. ونىڭ ۇستىنە قازىر پورتۋگاليادا ۇيىمنىڭ نەگىزىن قالاۋشىعا قاتىستى الاياقتىق جاسادى دەگەن كۇدىكپەن تەرگەۋ ءجۇرىپ جاتىر.
BBC- ءدىڭ حابارلاۋىنشا، نەسيە كارتاسىن گۋريب- فاكيمگە جەر عالامشارى ينستيتۋتىنىڭ شتاتتان تىس ديرەكتورى رەتىندە بەرگەن.
گۋريب- فاكيم ساياسي كامپانيانىڭ قۇربانى بولعانىن ايتىپ، وتستاۆكاعا ءوتىنىش جازبايتىنىن مالىمدەگەن بولاتىن. ءبىراق سەنبى كۇنى شەشىمىن وزگەرتكەن. ونىڭ وتستاۆكاسى 23 - ناۋرىزدا كۇشىنە ەنەدى.