ەلباسى رەسەي، تۇركيا جانە يراننىڭ سىرتقى ىستەر مينيسترلەرىمەن كەزدەستى
21:32, 16 - ناۋرىز 2018
استانا. قازاقپارات - استانا پروتسەسى ءوزىنىڭ باستاپقىدا كوزدەگەن ماقساتىنا جەتتى. جەنيەۆا كەلىسسوزدەرىن جەدەلدەتىپ، ايماقتا قانتوگىستى توقتاتۋعا ىقپال ەتتى.
بۇگىن ەلباسىمەن كەزدەسكەن رەسەي، تۇركيا جانە يراننىڭ سىرتقى ىستەر مينيسترلەرى وسىنداي ورتاق ءۇنقاتىسۋ الاڭىن ۇسىنعانى ءۇشىن نۇرسۇلتان نازاربايەۆقا العىستارىن ءبىلدىردى. بۇل رەتتە مەملەكەت باسشىسى 400 مىڭنان استام ادام قازا تاپقان سيريا داعدارىسى ءالى دە وزەكتى ەكەنىن ايتا كەلە، قازاقستاننىڭ ايماقتاعى جاعدايدى رەتتەۋ ءۇشىن قولدان كەلگەن كومەگىن ايامايتىنىن جەتكىزدى.
www.24.kz