مامانداردىڭ ايتۋىنشا، سوڭعى 7 جىلدا عالامدىق ەكونوميكانىڭ دامۋ قارقىنى جاقسى. ءبىراق كەي ەلدەردىڭ پروتەكسيونيستىك ساياساتى وعان نۇقسان كەلتىرۋى مۇمكىن. ال ۇيىم ۇلكەن جيىرمالىقتىڭ 2018-2019 -جىلعى ەكونوميكالىق دامۋ بولجامىن وزگەرتىپ، 3,9 پايىزدى قۇرايتىنىن جەتكىزدى. بۇعان دەيىن ساراپشىلار ونىڭ دەڭگەيى 3,6 پايىز بولاتىنىن ايتقان.
بۇل - 2011 -جىلدان بەرگى ەڭ ۇلكەن كورسەتىكىش. ال الەمدىك ەكونوميكانىڭ دامۋى 5 پايىزدى قۇراماق. وعان ينۆەستيتسيانىڭ ارتۋى سەبەپ بولىپ وتىر.
ايتا كەتەيىك، اتالعان ۇيىمعا 34 مەملەكەت مۇشە. ولارعا الەم ەكونوميكاسىنىڭ 60 پايىزى تيەسىلى.
الۆارو پەرەيرو، ەكونوميكالىق ىنتىماقتاستىق جانە دامۋ ۇيىمىنىڭ باس ەكونوميسى:
- الەم ەكونوميكاسىنا كەرى اسەرىن تيگىزەتىن جايتتارعا كەلەتىن بولساق، مەملەكەتتەر ساۋدا قاتىناسىندا شيەلىنىسكە جول بەرمەۋى كەرەك. سەبەبى ول الەمدىك ەكونوميكانىڭ دامۋىنا نۇقسان كەلتىرىپ، جۇمىس ورىندارىنىڭ قىسقارۋىنا اكەپ سوقتىرادى.
www.24.kz