قازاقستان قىتاي مەن اۋعانستانعا استىق ەكسپورتى كولەمىن ارتتىردى
«استىق جانە بۇرشاق تۇقىمداستارى بويىنشا نەگىزگى ەكسپورتتىق پوزيتسيا جۇمساق جانە قاتتى بيداي، ارپا، كۇرىش جانە جاسىمىق سانالادى. اتالعان داقىلدار ەكسپورتىنىڭ جالپى كولەمى استىق جانە بۇرشاق تۇقىمداستارىنىڭ جالپى كولەمىنىڭ 98 پايىزدان استامىن قۇرايدى»، - دەدى ول.
ونىڭ ايتۋىنشا، استىق نەگىزىنەن ت م د ەلدەرىنە، يرانعا جانە قارا، ازوۆ، بالتىق تەڭىزدەرى ارقىلى ەۋروپا ەلدەرىنىڭ نارىقتارىنا شىعارىلادى.
«سونىمەن قاتار قىتاي مەن اۋعانستانعا استىق جەتكىزۋ كولەمى ارتتى. اۋعانستانعا ۇن جەتكىزۋ ۇلعايدى. جاڭا نارىقتاردىڭ ىشىنەن استىق پەن بۇرشاق تۇقىمداستارىن سولتۇستىك افريكا ەلدەرى مەن وڭتۇستىك- شىعىس ازياعا جەتكىزە باستاعانىمىزدى اتاپ وتۋگە بولادى»، - دەدى نۇرلان وسپانوۆ.
وداق باسشىسىنىڭ پىكىرىنشە، قازاقستان لوگيستيكالىق باعدارلاردى دامىتۋ بويىنشا شارالار جۇرگىزىپ جاتىر. يران باعىتىندا اقتاۋ پورتىندا قوسىمشا استىق تەرمينالى مەن جاڭا تەمىر جول تارماعى سالىندى. وڭتۇستىك- شىعىس ازيا ەلدەرى باعىتىندا قىتايدىڭ ليانيۋنگان پورتى ارقىلى ترانزيتتىك ءدالىز قۇرىلدى. تۇركيا باعىتىندا ەلىمىزدىڭ قۇرىق پورتى ارقىلى باكۋ- تبيليسي- كارسك تەمىر جولى دالىزىمەن جاڭا باعدار ءتۇستى. اتالعان باعدار ارقىلى تۇرىكتىڭ مەرسين پورتى ارقىلى وڭتۇستىك ەۋروپا، سولتۇستىك افريكا، تاياۋ شىعىس پەن وڭتۇستىك- شىعىس ازيا نارىقتارىنا شىعۋعا بولادى.
«جوعارىدا اتالعان جوبالاردىڭ ىشىندە اقتاۋدا قوسىمشا استىق تەرمينالىن سالۋ ارقىلى ەكسپورتقا قولداۋ كورسەتۋ جونىندەگى جوبا بۇگىندە بارىنشا تابىستى جۇزەگە اسىرىلۋدا. ول پايدالانىلىپ جاتىر جانە اقبيداي تەرمينال پورتىنىڭ جۇكتەمەسىن ازايتتى. ەگەر استىق ەكۆيۆالەنتىندە ۇندى قوسا العاندا جانە بۇرشاق تۇقىمداستارىنىڭ جالپى ەكسپورت كولەمى 2016-2017 ماركەتينگ جىلىندا 8126758 توننانى قۇرادى» ، - دەدى ول.
اۆتور: مارلان جيەمباي