جيناقتا قوعام ساناسىن فوتو ارقىلى ەستەتيكالىق تالاپتارعا، مەملەكەتتىك مۇددەگە، ۇلتتىق مۇراتقا جۇمىلدىرا بىلگەن قايراتكەرلەردىڭ شىعارماشىلىعى جان- جاقتى باياندالعان. وندا احمەت بايتۇرسىنوۆ تۇسىرگەن فوتوسۋرەتتەردەن باستاپ، ەسىمى ەلگە تانىمال اۆتورلاردىڭ سوڭعى جارتى عاسىردا تاسپالاعان اتاقتى تۋىندىلارى ەنىپ وتىر.
«بۇگىنگىدەي تاۋەلسىز قازاقستاننىڭ ساياسي- الەۋمەتتىك جانە رۋحاني ومىرىندەگى داتالى كۇندەر مەن قيىن ساتتەردىڭ، وقيعالاردىڭ بارلىعى دا بولاشاق ءۇشىن كوركەمسۋرەتتى تاريحقا اينالاتىنى ءسوزسىز. دەمەك، سول وقيعالاردى تاسپاعا تۇسىرگەن فوتوتىلشىلەردى، ياعني كاسىبي فوتوسۋرەتكەرلەردى تاريحتى دا تاسپاعا تۇسىرۋشىلەر دەۋگە تولىق نەگىز بار» ، - دەيدى كىتاپتى قۇراستىرعان «فوتوونەر» قوعامدىق بىرلەستىگىنىڭ ءتوراعاسى اسىلحان ءابدىايىم ۇلى.
ونىڭ ايتۋىنشا، كوپشىلىك فوتوسۋرەتتى كورسە دە ونى كىم تۇسىرگەنىن بىلۋگە تىرىسپايدى.
«سەبەبى كاسىبي مامانداردىڭ ەڭبەكتەرىمەن تانىسۋ ارقىلى ەل تاريحىنان دا حاباردار بولۋعا بولاتىنىن بىلە بەرمەيمىز. ماسەلەن، قاسىمبەك نۇربەك ۇلى، سوۆەتبەك ماعزۇموۆ، بەرسىنبەك سارسەنوۆ، تالعاتبەك اسانوۆ، شۇكىر شاحاي، بولات ومارالييەۆ، سايلاۋ مايلىبايەۆ جانە امانگەلدى مۋتيگۋللين سەكىلدى جالپى سانى 21 مايتالمان فوتوگرافتاردىڭ وسى جيناققا ەنگەن شىعارمالارىنان ەل مەن جەردى شەكسىز ءسۇيۋدىڭ ۇلگىسىن كورۋگە بولادى» ، - دەدى ول.
جيناقتىڭ ءالعىسوزىن ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى، اكادەميك عالىمقايىر مۇتانوۆ جازسا، جاۋاپتى رەداكتورى اتالعان ۋنيۆەرسيتەتتىڭ جۋرناليستيكا فاكۋلتەتىنىڭ دەكانى - ساعاتبەك مەدەۋبەك ۇلى.
«قازاق ۋنيۆەرسيتەتى» باسپا ۇيىندە باسىلىپ شىققان جيناق جۋرناليستيكا فاكۋلتەتتەرىنىڭ ستۋدەنتتەرى مەن قالىق كوپشىلىككە ارنالعان.
اۆتور: مارلان جيەمباي