قازاقستاندا العاشقى پاترون زاۋىتى سالىنادى
«وسىناۋ اۋقىمدى جوبانى ىسكە اسىرۋدان تىس، قارۋلى كۇشتەردە جانە باسقا دا كۇشتىك قۇرىلىمداردا پايدالانىلمايتىن وق-دارىلەردى جويۋمەن، سونداي-اق بۇرعىلاۋ-جارۋ قىزمەتىمەن دە اينالىسامىز»، - دەيدى «قازتەحنولوگيالار» ا ق باسقارما ءتوراعاسى تالعاتبەك ايتقوجينوۆ.
ونىڭ سوزىنە قاراعاندا، جارامسىز بولىپ قالعان وق-دارىلەردى ساقتاۋ، ءبىر جاعىنان، قاۋىپتى، ەكىنشى جاعىنان، ارتىق شىعىنداردى قاجەت ەتەدى. قازىرگى كەزدە جامبىل وبلىسىنىڭ وتار اۋىلىنداعى جانە وڭتۇستىك قازاقستان وبلىسىنىڭ ارىس قالاسىنداعى وق-ءدارىنى جويۋ ۋچاسكەلەرىندە جۇمىس ءجۇرىپ جاتىر. جارامسىز وق-ءدارىنى جويۋعا 200 گە جۋىق جوعارى بىلىكتى ينجەنەر-تەحنيكالىق مامان مەن وندىرىستىك جۇمىسشى جۇمىلدىرىلعان.
«جوعارى باس قولباسشى - ق ر پرەزيدەنتى ءبىزدىڭ الدىمىزعا اسا جاۋاپتى مىندەتتى - قاراعاندى قالاسىندا پاترون زاۋىتىن سالۋدى تاپسىردى. پاترون زاۋىتىنىڭ ىسكە قوسىلۋى ارميا جانە ەل ءومىرى ءۇشىن ءارى ەكونوميكالىق، ءارى الەۋمەتتىك جاعىنان دا ماڭىزدى»، - دەيدى تالعاتبەك ايتقوجينوۆ.
«Steel manufacturing» ج ش س (ق ر ق ا ءو م «قازتەحنولوگيالار» ا ق- تىڭ ەنشىلەس ۇيىمى) تاراپىنان ىسكە اسىرىلىپ جاتقان زاۋىتتىڭ قۇرىلىسى قاراعاندى وبلىسىنداعى «سارىارقا» ارناۋلى ەكونوميكالىق ايماعىنىڭ اۋماعىندا بەكىتىلگەن گرافيك بويىنشا ءجۇرىپ جاتىر.
«وتاندىق قورعانىس- ونەركاسىپ كەشەنىن دامىتۋ ماقساتىندا قىزمەتىمىزدى ءارتاراپتاندىرۋدا وندىرىسكە، وق-دارىلەردى جاڭعىرتۋ جانە جوندەۋگە، الدىڭعى قاتارلى تەحنولوگيالاردى ەنگىزۋ ارقىلى ونەركاسىپتىك جارىلعىش زاتتاردى وندىرۋگە، شەتەل ينۆەستيتسيالارىن جۇمىلدىرۋ ارقىلى ءوز عىلىمي بازامىزدى قالىپتاستىرۋعا باسىمدىق بەرىپ كەلەمىز»، - دەيدى «قازتەحنولوگيالار» ا ق باسشىسى.