«كەلەسى كەزدەسۋ كەلەسى جىلى، ناۋرىز قارساڭىندا تاشكەنتتە وتەدى. ءبىز كەزەك- كەزەكپەن ءاربىر استانادا كەزدەسىپ وتىرۋعا ۋاعدالاستىق. ناۋرىز ءبىزدىڭ مەيرامىمىز جانە سيمۆولدىق ءمانى بار. ءبىز ءبىر- ءبىرىمىزدى قۇتتىقتايتىن بولامىز»، - دەدى ەلباسى.
سونىمەن قاتار نۇرسۇلتان نازاربايەۆ جۇمىس كەزدەسۋ بارىسىندا مادەني- گۋمانيتارلىق بايلانىستارعا دا ايرىقشا نازار اۋدارىلعانىن باسا ايتتى.
«بۇل باعىتتاعى ىنتىماقتاستىقتى ودان ارى ارتتىرا ءتۇسۋ قاجەت. كەڭەس زامانىندا اتالعان بايلانىس تۇرالاپ قالعان بولاتىن. ونى قايتا قالپىنا كەلتىرۋ قاجەت. ورتالىق ازيا ەلدەرى مادەنيەتىنىڭ فەستيۆالىن، جاستار كەزدەسۋىن، سپورتتىق كەزدەسۋلەردى، ستۋدەنتتەر الماسۋىن، وڭىردەگى تۋريزمدى دامىتۋ قاجەت. وسى جيىندا بۇل ماسەلەلەردىڭ بارلىعىن تالقىلادىق جانە ناقتى جۇمىس بولادى دەپ سەنەمىن»، - دەدى ق ر پرەزيدەنتى.
فوتو:photosight.ru
اۆتور: مارلان جيەمباي