استاناداعى اۋرۋحانالار وڭتۇستىك كورەيانىڭ مەديتسينالىق ۇيىمدارىنا ۇقساس بولادى
ايتا كەتەيىك، 2017-جىلدان باستاپ دەنساۋلىق ساقتاۋ ينفراقۇرىلىمىنىڭ ءبىرىڭعاي پەرسپەكتيۆالىق جوسپارىن دامىتۋعا سايكەس، 2025-جىلعا دەيىنگى ءتيىستى جوسپار ازىرلەندى.
«وسى جاڭا ءتارتىپ بويىنشا 2018-جىلدان باستاپ استاناداعى مەديتسينالىق ۇيىمداردى بىركەلكى تارتىپكە كەلتىرىپ جاتىرمىز. ءتيىستى جول كارتاسى دا بەكىتىلىپ، قۇجاتتى ىسكە اسىرامىز. اتالعان بۇيرىقتىڭ نەگىزگى ماقساتى كوپبەيىندى ۇلكەن ستاتسيونارلاردى قۇرۋعا بايلانىستى. سايكەسىنشە، ءبىز اۋقىمدى اۋرۋحانالاردى قۇرۋعا تىرىساتىن بولامىز. بۇل اۋرۋحانالاردىڭ قۇرىلىمىندا ادام دەنساۋلىعىن تۇزەۋگە قاجەتتى بارلىق نىساندار قامتىلماق»، - دەدى ت. مۇراتوۆ.
ونىڭ سوزىنە قاراعاندا، قازىر قولدانىستاعى اۋرۋحانالاردى بىرىمەن-ءبىرىن الداعى ۋاقىتتا، ياعني 2025-جىلعا دەيىن بىرتىندەپ بىرىكتىرىپ، ىرىلەندىرۋ جولىمەن ۇلكەن مەديتسينالىق ۇيىمعا اينالدىرۋ كوزدەلگەن.
وسى ورايدا بۇل شارالار الەمدىك تاجىريبەگە ساي ىسكە اسىرىلىپ جاتىر.
«كورەيادا نەمەسە ەۋروپادا جەكەلەي ينفەكتسيالىق اۋرۋحانانى، بولەك ناركولوگيالىق ورتالىقتى كەزدەستىرمەيمىز. بۇل باعىتتاعى قادامداردىڭ بارلىعى ادامدارعا قولايلى بولۋى ءۇشىن جاسالىپ جاتىر. قالا تۇرعىنى ءبىر مەديتسينالىق مەكەمەگە كەلىپ، بارلىق ماسەلەسىن ءبىر جەردە شەشەدى»، - دەپ ءتۇسىندىردى ت. مۇراتوۆ.
وسى ورايدا ول الداعى ۋاقىتتا بولەك ونكولوگيالىق، ناركولوگيالىق، پسيحياتريالىق جانە ينفەكتسيالىق قىزمەتتەر بولمايتىنىن ءسوز ەتتى.
«بۇل قىزمەتتەر ءبىرىڭعاي كوپبەيىندى ستاتسيونارلاردىڭ قۇرامىنا ەنەدى»، - دەپ ناقتىلادى ول.