بۇل تۋرالى ق ر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى مەملەكەتتىك قىزمەت سالاسىنداعى باقىلاۋ دەپارتامەنتىنىڭ ديرەكتورى راۆيل تولەبايەۆ ايتتى، دەپ حابارلايدى قازاقپارات.
«ارىپتەستەر اراسىنداعى دورەكىلىك ادەپتى بۇزۋدا ءبىرىنشى ورىندا تۇر. ماسەلەن، 670-تەن استام ادەپ بۇزۋدىڭ ىشىندە دورەكىلىك پەن ادەپسىز قىلىق 105 رەت ورىن العان»، - دەدى ول ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى استانا قالاسى اكىمدىگىمەن بىرلەسىپ ۇيىمداستىرعان سەمينار بارىسىندا.
دەگەنمەن، ونىڭ ايتۋىنشا، 2015 -جىلى ادەپ جونىندەگى كەڭەس وتىرىسىنا شىعارىلعان ىستەردىڭ 75 پايىزى تارتىپتىك ماسەلەگە قاتىستى بولسا، ال 2017 -جىلى ولاردىڭ سانى 50 پايىزعا جۋىق قىسقارعان.
«كەڭەستەردىڭ قۇرامى دا ايتارلىقتاي وزگەرىسكە ۇشىرادى. ەندىگى كەزەكتە كەڭەس مۇشەلەرىنىڭ ۇشتەن ەكىسىن وڭىرلىك ب ا ق- تاردىڭ باس رەداكتورلارى، ۇ ە ۇ وكىلدەرى، عىلىمي- پەداگوگيكالىق قوعامداستىق وكىلدەرى جانە ءماسليحات دەپۋتاتتارى قۇرايدى. بۇعان قوسا، ادەپ جونىندەگى كەڭەس مۇشەلەرى دەربەس جۇمىس ىستەي باستادى. ولار الدىن الۋ شارالارىنا بەلسەنە قاتىسىپ، ازاماتتاردى قابىلدايدى. ايتا كەتەرلىگى، ولاردىڭ ادەپ جونىندەگى كەڭەس جۇمىسىنا قاتىستى اقپاراتتارى كەڭەيىپ، مەملەكەتتىك قىزمەتشىلەرگە قاتىستى سەنىمدەرى ارتا تۇسكەندىگىن ايتقان ءجون. وعان «ءبىلىم» عىلىمي-زەرتتەۋ ورتالىعىنىڭ مەملەكەتتىك قىزمەتشىلەردىڭ ادەپ دەڭگەيىن انىقتاۋعا باعىتتالعان الەۋمەتتىك زەرتتەۋلەرىنىڭ ناتيجەسى دالەل بولا الادى»، - دەدى راۆيل تولەبايەۆ.
ونىڭ دەرەگىنشە، اتالعان زەرتتەۋ ناتيجەسىنە سايكەس، ساۋالناماعا قاتىسقانداردىڭ 73 پايىزى ادەپ جونىندەگى كەڭەستىڭ شەشىمدەرىنە سەنەتىندىكتەرىن بىلدىرگەن. پاۆلودار، ماڭعىستاۋ، شىعىس قازاقستان وبلىستارىندا بۇل كورسەتكىش 90 پايىزدان اسىپ جىعىلادى. ال ەلوردادا اتالعان كەڭەسكە سەنىم ارتاتىن مەملەكەتتىك قىزمەتشىلەردىڭ ۇلەسى 65 پايىزعا جەتىپ وتىر.