جەنيەۆادا قازاقستانداعى مۇگەدەكتەر قۇقىعىن قورعاۋ ماسەلەسى تالقىلاندى
س. جاقىپوۆا مۇگەدەكتەر قۇقىقتارى ماسەلەسى بويىنشا ب ۇ ۇ ارنايى بايانداماشىسى كاتالينا ديەۆانداس- اگيلياردىڭ ينتەراكتيۆتى ديالوگى شەڭبەرىندە ءسوز سويلەدى. ديالوگ بارىسىندا ساراپشىنىڭ 2017-جىلعى قىركۇيەكتەگى قازاقستانعا ساپارى ناتيجەسى بويىنشا دايىنداعان بايانداماسى ۇسىنىلدى. بۇل قۇجات ەڭبەك جانە الەۋمەتتىك قامتۋ، ينكليۋزيۆتى ءبىلىمدى ەنگىزۋ، سايلاۋ قۇقىقتارىن جۇزەگە اسىرۋ، قۇقىقتىق كومەكتىڭ قول جەتىمدىلىگى، سونىمەن قاتار، ەلىمىزدەگى مۇمكىندىگى شەكتەۋلى ادامداردىڭ مۇمكىندىكتەرى مەن قۇقىقتارىن ءارى قاراي ۇلعايتۋ بويىنشا ساراپشى ۇسىنىستارى سياقتى قازاقستانداعى باستى الەۋمەتتىك سالالارداعى مۇگەدەكتىگى بار تۇلعالاردىڭ جاعدايىن كەشەندىك جانە جان-جاقتى تالداۋدى قامتيدى.
ارنايى بايانداماشى كاتالينا ديەۆانداس- اگيليار قازاقستان ۇكىمەتىنە شاقىرعاندىعى جانە ونىڭ مانداتىمەن تىعىز ىنتىماقتاستىق ءۇشىن العىس ءبىلدىردى. 2015-جىلى راتيفيكاتسيالانعان مۇگەدەكتەر قۇقىقتارى جونىندەگى ب ۇ ۇ كونۆەنتسياسى شەڭبەرگىندەگى مىندەتتەردى ورىنداۋداعى مەملەكەتتىڭ ءوسىپ كەلە جاتقان بەيىلدىگى ەسكەرىلدى. ءوز كەزەگىندە، ءمينيستردىڭ ورىنباسارى ساراپشى بايانداماسىنا جاسالعان قازاقستان ۇكىمەتىنىڭ تۇسىنىكتەمەلەرىن ۇسىنىپ، مۇگەدەكتىگى بار ادامداردىڭ قۇقىقتارىن قامتاماسىز ەتۋ سالاسىنداعى مەملەكەتتىڭ ءارى قاراي قادامدارى تۋرالى سيپاتتادى.
سول كۇنى جەنيەۆاداعى قازاقستاننىڭ تۇراقتى وكىلدىگى كاتالينا ديەۆانداس- اگيليارمەن بىرلەسىپ، ادام قۇقىقتارى جونىندەگى كەڭەسكە مۇشە مەملەكەتتەر مەن بايقاۋشى دەلەگاتسيالار، سونىمەن قاتار حالىقارالىق ۇكىمەتارالىق جانە ۇكىمەتتىك ەمەس ۇيىمدار ءۇشىن كونۆەنتسيانى يمپلەمەنتاتسيالاۋ بويىنشا قازاقستاننىڭ تاجىريبەسىنە ارنالعان ءىس-شارا وتكىزدى.
شارادا مۇگەدەكتەر قۇقىقتارى جونىندەگى ب ۇ ۇ كوميتەتىنىڭ ءتوراعاسى تەرەزيا دەگەنەر، حالىقارالىق مۇگەدەكتەر اليانسىنىڭ ادام قۇقىقتارى بويىنشا اعا كەڭەسشىسى سيلۆيا كۆان جانە «شىراق مۇگەدەكتىگى بار ايەلدەر اسسوتسياتسياسى» قوعامدىق بىرلەستىك باسشىسى، ق ر ۇكىمەتى جانىنداعى مۇگەدەكتىك ىستەرى بويىنشا ۇيلەستىرۋ كەڭەسىنىڭ مۇشەسى لياززات قالتايەۆا ءسوز سويلەدى.
ءوز كەزەگىندە، جەنيەۆا قالاسىنداعى ب ۇ ۇ جانە باسقا حالىقارالىق ۇيىمدار جانىنداعى قازاقستاننىڭ تۇراقتى وكىلى، ەلشى جانار ايتجانوۆا قاتىسۋشىلارعا ەلباسىنىڭ جاڭا بەس الەۋمەتتىك باستامالارى تۋرالى حابارلاپ، ولاردى جۇزەگە اسىرۋ بارىسىندا مۇمكىندىگى شەكتەۋلى ادامداردىڭ قۇقىقتارىنا ەرەكشە نازار اۋدارىلاتىندىعى جونىندە اتاپ ءوتتى.