كەزدەسۋدە ارابتار جاعى اقمولا وبلىسىندا وندىرىلگەن ۇننىڭ العاشقى كوممەرتسيالىق پارتياسىنىڭ جەتكىزىلگەنىنە قۋانىشتى ەكەنىن اتاپ ءوتتى.
قازاقستاندىق 800 توننا ەكسپورتتىق ۇننىڭ العاشقى كوممەرتسيالىق پارتياسىن «ىNTER TRADە» جاۋاپكەرشىلىگى شەكتەۋلى سەرىكتەستىگى جەتكىزدى.
مالىك مىرزالين اراب بيزنەسمەندەرىنە اقمولا وبلىسىنداعى استىق، ەت وڭدەۋ جانە تۋريزم سالالارى بويىنشا ناقتى جوبالارعا ينۆەستيتسيا سالۋدى ۇسىندى. ونىڭ ىشىندە Dubai Investments Park ينۆەستيتسيالىق پاركىن اشۋ ماسەلەسى تالقىلاندى. وڭىردە بارلىق كوممۋنيكاتسيا جۇيەسى تارتىلعان يندۋستريالدى ايماق قۇرۋ جوسپاردا بار.
ءوز كەزەگىندە بىرىككەن اراب امىرلىگىنىڭ ەكونوميكا ءمينيسترى اقمولا وڭىرىندە اراب كومپانيالارىنىڭ قاتىسۋىمەن حالال يندۋسترياسى جوباسىن قولعا الۋعا قىزىعۋشىلىق ءبىلدىردى. قازىرگى كەزدە، سۋسىن جانە ازىق- تۇلىك سياقتى حالال ونىمدەرىنىڭ كولەمى 750 ميلليارد تەڭگەنى قۇراپ، جىل سايىن 7 پايىزعا دەيىن كوبەيىپ كەلەدى.
كەلىسسوزدەر ناتيجەسىندە اراب بيزنەسمەندەرىنەن قۇرالعان دەلەگاتسيا اقمولا وبلىسىنا جۇمىس ساپارىمەن كەلەتىن بولدى.