Stan.kz تىلشىسىنە ەكسكليۋزيۆتى سۇحبات بەرگەن «شانشار» تەتارىنىڭ ديرەكتورى نۇرجانمەن اراداعى الىپ- قاشپا اڭگىمەگە قاتىستى بار شىندىقتى ايتتى.
«وسىدان بىرنەشە جىل بۇرىن ءبىزدىڭ سوڭىمىزدان ءتۇرلى اڭگىمەلەر ءجۇردى. سودان كەيىن «الداراسپان شانشاردى شاقىرادى» - دەپ اتالاتىن كونسەرت بەردىك. نۇرجان ءبىزدى شاقىردى. بىزدەن كەشىرىم سۇراۋ ماقساتىندا حالىقتىڭ الدىنا شىعاردى. ءبىز سول كەش ارقىلى حالىقتىڭ اراسىنداعى قاڭقۋ سوزدەرگە نۇكتە قويعىمىز كەلدى» ، - دەيدى ۋاليبەك ءابدىرايىموۆ. قاراپايىم قاراشانىڭ الدىندا ۇستازىنان كەشىرىم سۇراعان تۋكانىڭ «شانشارداعى» سەرىكتەستەرىنە دەگەن ساعىنىشى ءالى كۇنگە دەيىن باسىلماسا كەرەك. تولەنديەۆ تاياۋدا عانا ابدىرايىموۆكە تاعى ءبىر ءوتىنىش ءبىلدىرىپتى.
«تاعى دا نۇرجان تولەنديەۆتىڭ تاراپىنان ءوتىنىش ءتۇسىپ جاتىر. ءبىر- ەكى تاقىرىپتى ايتتى ماعان. «كوكە، وسىنى شىعارىڭىزشى. باياعىداي ءبىر ويىندى ساعىندىم عوي مەن. ساحنادا ءسىز تۇرساڭىز، ءجۇسىپ تۇرسا، مىنا جاقتان جۇلدىزاي كەلىپ تۇرسا. ءبىر سونداي ءانسامبىل بولىپ ەدىك قوي. سونى ءبىر اڭساپ ءجۇرمىن. ەسكە الىپ ءبىر ويناساق» - دەپ ۇسىنىس تاستادى. مەن جارايدى دەپ كەلىستىم. جاڭا- جىلعا قارسى شىعاراتىن شىعارمىز. بۇرىنعى ءساتتى ءجۇسىپ تە قاتتى ساعىنىپ ءجۇر. نۇرجان دەگەن ايتقان تاپسىرماڭدى ەكى ەسە قىلىپ اسىرىپ جىبەرۋشى ەدى»، - دەيدى «شانشار» تەاترىنىڭ ديرەكتورى.
تولەنديەۆ ءوزىنىڭ تاراپىنان كەتكەن اعاتتىقتى كەيىنگى جىلدارى قاتتى سەزىنە باستاعان سىڭايلى. ۇجىمدى باسقارۋدىڭ قيىندىعى تۋعان ساتتە ۋاليبەككە كەلىپ مۇڭىن شاعاتىن كورىنەدى.
«بىزگە كەلىپ تۇرادى. كەلگەندە قۇشاقتايدى. «شانشاردى» ساعىنعانىن سەزەمىن. ءتىپتى «الداراسپان» تەاترىنداعى ءوزىنىڭ بالالارىنا دا ايتادى ەكەن. كەيدە ءوزى دە كەلىپ ماعان ايتادى: «كوكە، ءسىز بۇرىن بىزگە تاپسىرما بەرگەن كەزدە، ءبىز قالاي ىستەۋشى ەدىك؟ ايتىڭىزشى مىنالارعا» - دەيدى.
سول كەزدە بىلەسىڭ، ە ساعىنىپ ءجۇر ەكەن عوي، بەيشارا. ءبىز شىمكەنتتەمىز عوي. نۇرجان ايىنا 1-2 رەت ماعان مىندەتتى تۇردە كەلىپ جولىعادى. اقىل سۇراپ تۇرادى»، - دەيدى ۋاليبەك.
ءبىراق نۇرجان تولەنديەۆ «شانشار» تەاترىنا ورالسا، ۋاليبەك شاكىرتىن قايتا قابىلداۋعا قۇلىقسىز.
«ەگەر «شانشارعا» قايتىپ كەلەمىن دەسە دە مەن قابىلدامايمىن. ويتكەنى، «الداراسپان» تەاترىنداعى اكتەرلارعا وبال. قانشاما تالانتتى بالالار بار. ولاردى قايدا قالدىرادى. ولاردىڭ بارلىعىن «شانشارعا» اكەلە المايدى عوي. «الدارسپان» تەاترىنىڭ دا وزىندىك ورىنى بار عوي. شاكىرتتەر دايىنداۋ كەرەك. ول تەاتر قالۋ كەرەك. كەيىن جاس كەلەدى. ۋاقىتتى ۇستاپ تۇرا المايدى عوي. قازىردىڭ وزىندە ءبىز «شانشارعا» بالالار ىزدەپ وتىرمىز. ەرتەڭگى كۇنى ءبىزدىڭ جولىمىزدى جالعاستىراتىن جاستار كەرەك» ، - دەيدى ءابدىرايىموۆ.