قىتايدا تاريحي سەسسياسى اياسىندا قازاقستان مەن قىتاي تۋرالى كىتاپ ۇسىنىلدى - فوتو

بەيجىڭ. قازاقپارات - قىتايدا ءوتىپ جاتقان تاريحي «ەكى سەسسيا» باسپا ءسوز ورتالىعىندا «ءسىز بەن ءبىز: قىتاي مەن قازاقستان تاريحى» كىتابى ۇسىنىلدى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.

قىتاي جانە ورىس تىلدەرىندەگى بۇل كىتاپتىڭ كوپتەگەن داناسى 13- شاقىرىلعان جالپى قىتايلىق حالىق وكىلدەرى قۇرىلتايىنىڭ (ج ح ءو ق) 1-سەسسياسى جانە 13- شاقىرىلعان قىتاي حالىق ساياسي كونسۋلتاتيۆتىك كەڭەسى جالپى قىتاي كوميتەتىنىڭ (ق ح س ك ك ج ك) 1-سەسسياسى باسپا ءسوز ورتالىعىنىڭ ءبىرىنشى قاباتىنا قويىلعان.

«مۇنداي كىتاپتار مەن جۋرنالداردىڭ تارالۋى ەلدەر اراسىنداعى قاتىناستاردى جانە حالىقتاردىڭ پسيحولوگياسىن جاقسى ءتۇسىنۋ ءۇشىن وتە پايدالى. مەن 20 جىلدان بەرى ا ق ش- تا تۇرامىن جانە قازاقستان تۋرالى ءجيى ەستيمىن. مۇمكىندىك بولعاندا ءسىزدىڭ ەلىڭىزگە بارعىم كەلەدى. قازاقستان جاقىندا ب ۇ ۇ قاۋىپسىزدىك كەڭەسىندە ءتوراعالىق ەتىپ، جاھاندىق الەمدى قولداۋ بويىنشا ءبىرقاتار ماڭىزدى باستامالار كوتەردى. قازاقستان حالقى قىتايمەن، ا ق ش- پەن جانە باسقا دا ەلدەرمەن ىنتىماقتاستىقتى دامىتۋ ارقىلى گۇلدەنۋدى جالعاستىرا بەرەتىنىنە سەنىمدىمىن»، - دەدى قىتايدا تۋعان امەريكالىق جۋرناليست، «الەمدەگى قىتايلار» باسپا ءۇيىنىڭ پرەزيدەنتى گاو يۋنتسين قازاقپاراتقا بەرگەن سۇحباتىندا.

ەسكە سالايىق، «ءسىز بەن ءبىز: قىتاي مەن قازاقستان تاريحى» كىتابىن قىتاي قۇرلىقارالىق باسپاسى شىعارىپ، 2015-جىلدىڭ قاراشاسىندا تانىستىرىلعان بولاتىن.

كىتاپ ءۇش بولىمنەن - دوستاستىق، ىنتىماقتاستىق جانە ەسكە الۋدان تۇرادى. وعان 22 قازاقستاندىق جانە قىتايلىق اۆتورلار كىرگەن: ق ر بۇرىنعى پرەمەر-ءمينيسترى سەرگەي تەرەشەنكو، ق ر- داعى ق ح ر توتەنشە جانە وكىلەتتى ەلشىسى، ق ح ر سىرتقى ىستەر ءمينيسترىنىڭ بۇرىنعى ورىنباسارى چجان دەگۋان، ق ح ر- داعى بۇرىنعى ق ر توتەنشە جانە وكىلەتتى ەلشىسى شاحرات نۇرىشەۆ، چجوۋ سياوپەي، ق ر- داعى ق ح ر بۇرىنعى ەلشىسى ياو پەيشەن جانە تاعى باسقالار.