كۇللى الەمنەن جەر استىنا جاسىرىنعاندار - فوتو
1967 -جىلى جەراستى تۇرعىندارى قۇپياسىن اشۋعا ءماجبۇر بولدى. ويتكەنى، ءبارىبىر الەمنەن وقشاۋلانىپ تىعىلىپ تىرشىلىك كەشۋ مۇمكىن ەمەس. ماتماتا ەلدى- مەكەنى، ءتىپتى، تەك توڭىرەگىنە عانا بەلگىلى بولىپ قانا قويماي، وسى ماڭدا «جۇلدىزدار سوعىسى» فيلمى تۇسىرىلگەندىكتەن كۇللى الەمگە ايگىلى بولدى.
جەرگىلىكتى جاستار ۇلكەن قالالارعا اعىلىپ، وسى زامانعى يگىلىكتەرگە ۇمتىلدى. قازىرگى ۋاقىتتا جەراستى مەكەن جوعالۋ الدىندا تۇر. جەبەل-داقارلىق بەربەرلەر جەراستى باسپاناسىن وسىدان مىڭ جىلدان اسا ۋاقىت بۇرىن پايدالانا باستاعان ەدى. ولاردىڭ باسپاناسى قولدان قازىلعان كادىمگى ۇڭگىر: الدىمەن تەرەڭدىگى جەتى، كەڭدىگى ون مەترگە جەتەتىن ور قازعان. ول ءوز كەزەگىندە ىشكى ساراي قىزمەتىن اتقارعان، ياعني، ءدالىز بولعان. ونىڭ قابىرعاسىن ۇڭگىپ، بولمەلەر ۇڭگىگەن ەكەن.
38 جاستاعى ءلاتيپا بەن ياھيا قىزىمەن اس قامىنا كىرىسكەن، ۇلى تەلەديدار كورۋدە
كادىمگى ۇيلەردەگى سەكىلدى جەراستى باسپانادا دا قوناق كۇتەتىن بولمە، جاتىن بولمەسى، ءاسۇي بار. بولمەلەردى اراسىن دالىزدەر جالعاپ جاتىر.
69 جاستاعى ءمۇنجيا ەسىمدى ەگدە جاستاعى ايەل توقىما توقىپ وتىر ءوزىنىڭ جەراستى باسپاناسىندا
اڭىزعا قاراعاندا، بەربەرلەر جەراستى باسپاناسىن جاۋدان جاسىرىنۋ ءۇشىن قازعان. بۇدان بولەك، جەراستى باسپانا ولاردى جاز مەزگىلىندە 45 گرادۋس اپتاپ ىستىقتان، ال قىستا نولدەن تومەن سۋىقتان قورعايدى.
ساليحا ەسىمدى كەلىنشەك قولديىرمەنمەن ارپا تارتىپ وتىر. بالالارىنا ازىق بولۋى ءۇشىن
1967- جىلعا دەيىن ولار الەمنەن وقشاۋلانىپ تىرشىلىك كەشتى. 22 كۇنگە سوزىلعان جاۋىننان ۇڭگىرەلەرىنە سۋ تولىپ، باسپاناسىندا سۋ استىندا قالىپ، بيلىكتەن كومەك سۇرادى. سول ساتتەن باستاپ، الەم جۇرتشىلىعى بەربەرلەر تۋرالى ەستىپ ءبىلدى.
تۋنيس بيلىگى باسپاناسىن سۋ العان بەربەرلەر ءۇشىن وسى زامانعى تۇرعىن ۇيلەر سالىپ بەردى. امال جوق، جەراستى تۇرعىندارى اتا- باباسىنان قالعان باسپانانى تاستاپ، سوندا كوشۋگە تۋرا كەلدى.
42 جاستاعى ءمۇنجيا ەسەگىن ايداپ كەلەدى
قازىرگى ۋاقىتتا جەراستى باسپاناسىن وسى زامانعى بارلىق جاعداي جاسالعان (جازدا جەلدەتكىشى قوسۋلى، ت. ب. ) تۇرعىن ۇيگە الماستىرماعانداردىڭ ءبىرى 42 جاستاعى ءمۇنجيا. اقشاسىنىڭ جوقتىعىن العا تارتقان ول جەراستى باسپانادا قۇدىقتان قاۋعا تارتۋدان، وتىن جيناۋدان قاجىعانىن جەتكىزدى.
دەسە دە ءبارى ءمۇنجيا سياقتى ەمەس، مىسالى، ءلاتيپا بەن ياھيا اكەسىنىڭ دە، اناسىنىڭ دا وسىندا قايتىس بولىپ، وسىندا تۇرمىس قۇرعانىن ايتىپ، كەتكىسى كەلمەيتىنىن تىلگە تيەك ەتتى. ول ءبارىن اقشاعا ساتىپ الۋعا بولاتىنىن، تەك تىنىشتىقتى ساتىپ الا المايتىنىن العا تارتىپ وتىر.
دەسە دە بۇل جەردە دە تىنىشتىق جوق سەكىلدى. تۋريستەر كەلىپ، تاماشالاپ كەتەدى. مىسالى، تۋريستەر 36 جاستاعى ساليحانىڭ قالاي وت تۇتاتقانىن تاماشالاۋدا. ونىڭ باسىندا ءۇيى، جانىندا كۇيەۋى مەن ءتورت بالاسى بار. ءزايتۇن اعاشتارىن ءوسىرىپ، جەمىسىن ساتىپ ءارى تۋريستەردىڭ وزدەرىنىڭ تۇرمىسىن تاماشالاعانى ءۇشىن تاستاپ كەتەتىن ازىن-اۋلاق قارجىسىمەن كۇن كورەدى.
راسىن ايتۋ كەرەك، تۋريستەر بەربەرلەردىڭ قالاي تىرشىلىك كەشكەنىن كورۋ ءۇشىن ەمەس، كوبىنەسە «جۇلدىزدار سوعىسى» كينوسى تۇسىرىلگەن جەردى كورۋ ءۇشىن كەلەدى.
63 جاستاعى ايشا ءزايتۇندى كەپتىرۋدە
مۇندا دا ءۇي جانۋارلارىنىڭ اراسىندا مىسىقتاردى كەزىكتىرۋگە بولادى. ءبىر وكىنىشتىسى، جەراستى باسپانالاردىڭ دەنى جەردىڭ ۇستىندەگى تۇرعىن ۇيگە كوشىپ كەتكەندەردىڭ زات- بۇيىم ساقتايتىن قويماسىنا، شەبەرحاناعا اينالىپ كەتكەن.