بەكمامبەتوۆ ا ق ش- تا «دوستىقتان شىعارۋ» فيلمىنىڭ جالعاسىن ۇسىندى

استانا. قازاقپارات - پروديۋسەر ءارى رەجيسسەر تيمۋر بەكمامبەتوۆ تەحاستا وتكەن South by Southwest فەستيۆالىندە «دوستىقتان شىعارۋ» فيلمىنىڭ جالعاسىن ۇسىندى، دەپ حابارلايدى ت ا س س.

«فيلمدى پروديۋسەرلەر تيمۋر بەكمامبەتوۆ (Bazelevs) پەن دجەيسون بلۋم (Blumhouse Productions) ۇسىندى»، - دەپ حابارلاعان تۋىندىنى تۇسىرۋمەن اينالىسىپ جاتقان Bazelevs كينوكومپانياسىنىڭ باسپا ءسوز قىزمەتى.

فيلمنىڭ جالعاسى، ياعني سيكۆەل سەنبى كۇنى Unfriended: Dark Web  («دوستىقتان شىعارۋ: داركنەت») دەگەن اتاۋمەن تانىستىرىلعان.

فيلمنىڭ سيۋجەتى جاڭا كومپيۋتەرىنەن جاسىرىن فايلداردى تاۋىپ الىپ، داركنەت (جەكە جەلى) الەمىنە ەنىپ كەتەتىن جاس جىگىتتىڭ وقيعاسى توڭىرەگىندە ءوربيدى.

«فيلم تيمۋر بەكمامبەتوۆ ويلاپ تاپقان Screenlife اتتى يننوۆاتسيالىق فورماتتا تۇسىرىلگەن. ول العاش وسى فيلمنىڭ ءبىرىنشى بولىمىندە جۇزەگە اسىرىلعان بولاتىن. ياعني، بارلىق وقيعا باستى كەيىپكەردىڭ كومپيۋتەرىنىڭ ەكرانىندا كورىنىس تابادى. سەناري رەجيسسەرى ءارى اۆتورى - ستيۆەن ساسكو.