ۋكراينالىق عالىمدار كۇيەۋگە قالاي تەز شىعۋعا بولاتىنىن انىقتادى
03:08, 10 - ناۋرىز 2018
استانا. قازاقپارات - عالىمدار شەگىرگۇل (فيالكا) ايەلدەرگە كۇيەۋگە شىعۋعا «كومەكتەسەتىنىن» دالەلدەپ شىقتى، دەپ جازدى Sputnik قازاقستان.
ۋكراينالىق ساراپشىلار ايەلدەر اراسىندا ساۋالناما جۇرگىزىپ، ۇيىندە شەگىرگۇل وسىرەتىن قىز-كەلىنشەكتەردىڭ باسىم كوپشىلىگى تۇرمىس قۇرعانىن انىقتادى.
«وسى گۇلدىڭ ارقاسىندا ايەلدەردىڭ اعزاسىندا وكسيتوتسين بولىنەدى. بۇل گورمون نازىك جاندارعا ۇقىپتى، بيازى ءارى ادال بولۋعا «كومەكتەسەدى»، بار ماسەلە وسىندا، ويتكەنى ەر ازاماتتار بولاشاق جارىنىڭ بويىنان وسى قاسيەتتەردى كورگىسى كەلەدى»، - دەپ قورىتىندى جاسادى زەرتتەۋشىلەر.
عالىمدار شەگىرگۇلگە ەرەكشە كۇتىم قاجەت ەكەنىن اتاپ ءوتتى. وعان سۋ قۇيۋ رەجيمىن ساقتاپ، بولمەدەگى ىلعالدىلىق پەن تەمپەراتۋرانى (كەم دەگەندە 22 گرادۋس جىلى) قاداعالاپ وتىرۋ كەرەك.
پسيحولوگتار مۇنداي گۇلدەرگە ەرىنبەي كۇتىم جاساي الاتىن ايەلدەر مىندەتتى تۇردە ەر ازاماتتاردىڭ جۇرەگىنە جول تابادى دەپ ەسەپتەيدى.