ءمولدىر اۋەلبەكوۆا باسى داۋدان ارىلماعان تورەعالي تۋرالى ءوز شىندىعىن ايتتى
تەنتەك قىلىقتارىمەن جۇرتتى دۇرلىكتىرگەن ۇلى دالا بالاسى جايلى تەك اۋەلبەكوۆا عانا بىلەتىن بولىپ شىقتى.
كەرەكۋدەگى كەلەڭسىز جايتتان كەيىن، حالىق ءارتىسىنىڭ قاھارىنا ۇشىراعان اتىشۋلى ءانشىنىڭ نە سەبەپتى التىنبەك قورازبايەۆتىڭ كونسەرتىنە قاتىسپاۋىن ءمولدىر العاش رەت NUR. KZ تىلشىسىنە ايتىپ بەردى.
«نەگىزى تورەعاليدىڭ التىنبەك كوكەنىڭ كونسەرتىنە قاتىسپاي، قىتايعا كەتىپ قالۋىنىڭ وتە ۇلكەن سەبەبى بار. ول ەندى اللا جاسىرىپ قويعان نارسەنى مەن حالىققا ايتا المايمىن. ءوزىنىڭ وتباسىلىق جاعدايىنا بايلانىستى، دەنساۋلىعىنا بايلانىستى بولدى. ەگەردە بۇل سەبەپتى حالىق بىلەتىن بولسا بۇل بالاعا باسقاشا كوزبەن قارار ەدى. كەرىسىنشە تورەعاليدى قولدايتىن ەدى. قىتايعا امان-ەسەن بارىپ كەلدى. بارلىعى ويداعىداي بولدى. مۇنىڭ بارلىعى تورەعاليدىڭ قاتەلىگىن كەشىرە الاتىن حالىقتىڭ ارقاسىندا دەپ ويلايمىن. الدىڭعى وقيعالارىن، پاۆلودارداعى ارەكەتىن ايتپايمىن. وعان ءوزى دە كەشىرىم سۇراپ، تاۋبەسىنە كەلىپ جاتىر. اللاعا شۇكىر. ءبىز قاتەلەسكەن ادامنىڭ تاۋبەسىنە كەلگەنىنە قاراپ قۋانايىق»، - دەيدى اۋەلبەكوۆا.
وتاندىق باعدارلامالاردىڭ بىرىندە تانىمال نۋمەرولوگ كلارا كۇزدەنبايەۆا: «تورەعالي - تاعدىردىڭ ەركەسى. ول وزگەلەرگە تانىمالدىلىق پەن تابىس اكەلەدى»، - دەپ جورامال جاساعان-دى! الايدا، بۇل بولجام اقيقاتقا اينالعانداي. تورەعاليمەن «سەن بولماساڭ»، «قوشتاسۋدىڭ قيىن-اي» اتتى اندەردى ورىنداپ، دۋەتكە بەينەبايان تۇسىرگەن ءمولدىر بۇگىندە تويداعى سۇرانىستىڭ ارتقانىن جاسىرمايدى. قازىرگى تاڭدا قوس ءانشى حالىقتىڭ قۋانىشىندا ءجيى بوي كورسەتەدى ەكەن.
«ەكەۋىمىز تويدا دا ونەر كورسەتىپ جاتىرمىز. دۋەتىمىز توقتاپ قالعان جوق. بۇل حالىقتىڭ سۇرانىسى. حالىقتىڭ ءوزىنىڭ شاقىرتۋى. قازىر قازاقستاندا ەمەس. اكەسى مەن «ТТТ» ورتالىعى جاقسى ءبىر جەردە ءدال قازىر دەمالىپ جاتىر. جاقىن كۇندەرى ەلگە ورالادى. اراسىندا تويعا شىعىپ ۇلگەرىپ جاتىرمىز. تابىس كوڭىل قۋانتارلىقتاي»، - دەيدى ءانشى.
ءبىراق قالتاسى قالىڭداپ، قوماقتى قارجىعا كەنەلىپ جاتسا دا، اۋەلبەكوۆا نۋمەرولوگتىڭ پىكىرىمەن ءمولدىر كەلىسپەيدى. سەبەبى ءانشى بولجامعا سەنبەيتىنىن ايتادى.
«مەن بولجامعا سەنبەيمىن. سوندىقتان دا مەن نۋمەرولوگتىڭ پىكىرىمەن ەشقاشان كەلىسە المايمىن. ءبىراق ءبىزدىڭ دۋەتىمىز دە، بەينەبايانىمىز دا ءساتتى شىقتى. التىنبەك قورازبايەۆ تا ءوزىنىڭ جىلى لەبىزىن ءبىلدىردى. ءاننىڭ دە، بەينەباياننىڭ دا ۇناعانىن ايتىپ جاتىر»، - دەيدى ءمولدىر.