بىشكەك پەن وشتا فەمينيست ايەلدەر شەرۋگە شىقتى
14:57, 09 - ناۋرىز 2018
استانا. قازاقپارات - قىرعىزستاندىق فەمينيستىك قوزعالىس بەلسەندىلەرى حالىقارالىق ايەلدەر كۇنى مەرەكەسىنە وراي بىشكەك پەن وش قالالارىندا جاياۋ شەرۋ وتكىزدى دەپ حابارلايدى ازاتتىقتىڭ قىرعىز قىزمەتى.
اكسياعا قاتىسۋشىلار ايەلدەرگە قارسى زورلىق-زومبىلىق پەن كەمسىتۋدى توقتاتۋ، ايەلدەر قۇقىعىن قورعاۋدى تالاپ ەتكەن جازۋلار ۇستاپ شىققان. ولار قوعامنىڭ بارلىق سالاسىندا ايەلدەر مەن ەرلەر تەڭ جاعدايدا بولسىن، ايەلدەردىڭ ءوز ومىرلەرىنە قاتىستى شەشىم قابىلداۋىنا ەشكىم توسقاۋىل قويماسىن دەپ مالىمدەگەن.
بەيبىت شەرۋگە شىققاندار سونىمەن بىرگە ترانسفوبياعا، گوموفوبياعا قارسى تۇرۋعا جانە مۇگەدەك جانداردى كەمسىتۋدى دوعارۋعا شاقىرعان. ولار ۇندەۋ جازىلعان جازۋلار ۇستاپ، قالا كوشەلەرىمەن ءجۇرىپ وتكەن.