وندا جالعىزباستى ايەل ازاماتتارىن 8 - ناۋرىز «حالىقارالىق ايەلدەر كۇنى» مەرەكەسىمەن قۇتتىقتاپ، سىي- سياپات جاسادى، دەپ حابارلايدى قازاقپارات ءتىلشىسى.
ءىس- شارا بارىسىندا ايماق باسشىسى ايەلدەرگە قامقورلىق جاساۋ، كوپبالالى انالارعا الەۋمەتتىك قولداۋ كورسەتۋ قاشان دا ەلباسى نازارىنان تىس قالماعانىن جەتكىزدى.
«كوكتەم مەرەكەسى كوڭىلدەرىڭىزگە قۋانىش سىيلاپ، جۇزدەرىڭىزگە نۇر شاشسىن. بۇگىندە ءوڭىر تۇرعىندارىنىڭ 1 ميلليون 446 مىڭىن نازىك جاندار قۇرايدى. بۇل دەگەنىمىز ەلىمىزدەگى بۇرىمدىلاردىڭ ەڭ كوبى ءبىزدىڭ وبلىستا دەگەندى بىلدىرەدى. ولاردىڭ اراسىندا اقىنى دا، جازۋشىسى دا، عالىمى دا، ءتىپتى ءۇيدىڭ دە، ءتۇزدىڭ دە جۇمىسىن قاتار الىپ جۇرگەن كاسىپكەرلەر دە بار. ايماقتىڭ ەكونوميكالىق دامۋىنا قاراكوز ارۋلارىمىزدىڭ قوسىپ كەلە جاتقان ۇلەسى وراسان زور دەپ بىلەمىن» ، - دەدى جانسەيىت قانسەيىت ۇلى.
اتالعان ارناۋلى الەۋمەتتىك قىزمەتتەر كورسەتۋ ورتالىعىندا 77 ايەل قىزمەت الۋدا. 260 ورىنعا شاقتالعان مەكەمەدە جالعىزباستى قارتتار مەن ءبىرىنشى جانە ەكىنشى توپتاعى مۇگەدەكتەر بار. ولارعا ارناۋلى الەۋمەتتىك قىزمەتتەردىڭ كەپىلدەندىرىلگەن 8 ءتۇرى كورسەتىلەدى.
ايتا كەتەيىك، وبلىس بويىنشا 8 مىڭنان استام ازامات ارناۋلى الەۋمەتتىك قىزمەتتەرمەن قامتىلسا، ونىڭ 2 مىڭنان استامى جالعىزىلىك قارتتار. بۇگىندە جالعىزباستى قارتتاردىڭ 121 ى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنا قاراستى «№5 ارناۋلى الەۋمەتتىك قىزمەتتەر ورتالىعىندا» تولىق مەملەكەت قامقورلىعىنا الىنىپ، كەشەندى قىزمەتتەرمەن قامتىلۋدا.
ال، وبلىس اكىمىنىڭ ورىنباسارى ەربول سادىر وبلىستىق ارداگەرلەر ۇيىندە بولىپ، اق جاۋلىقتى انالاردى ايتۋلى مەرەكەمەن قۇتتىقتادى.
اۆتور: اينۇر اقبايەۆا