تۇرعىندار ىلە تاسجولى 573/1 مەكەنجايىندا جول بويىنداعى اعاشتاردىڭ كەسىلگەنىن حابارلاعان.
باسقارما قىزمەتكەرلەرى مەن قورشاعان ورتانى قورعاۋ پوليتسياسىنىڭ وكىلدەرى وقيعا ورنىنا بارىپ، 35 ءتۇپ اعاشتىڭ زاڭسىز كەسىلگەنىن انىقتادى.
اتالعان مەكەنجايدا ورنالاسقان وندىرىستىك بازانىڭ يەلەرى «اس فينانس تەحنوگرۋپپ» ج ش س جاسىل- جەلەكتى وتاۋعا جالعان قۇجات ازىرلەپ، كورسەتكەن كورىنەدى.
«جالعان قۇجات جاساعاندارمەن تۇركسىب اۋداندىق پوليتسياسى اينالىسىپ جاتىر. مەملەكەتتىك ورگاننىڭ قۇجاتىن قولدان جاسادى دەگەن ايىپپەن بۇل دەرەك تۇركسىب اۋداندىق ءى ءى ب - دە سوتقا دەيىنگى تەرگەۋ رەەسترىنە تىركەلدى. سونىمەن قاتار، ق ر ا ق ب ك 386-بابىن بۇزعانى ءۇشىن مەنشىك يەلەرىنە 30 ا ە ك كولەمىندە ايىپپۇل سالىندى. ەندى كاسىپورىن تابيعاتقا كەلتىرىلگەن نۇقساننىڭ ورنىن تولتىرۋ ءۇشىن 350 ءتۇپ اعاش وتىرعىزۋعا مىندەتتەلدى» ، - دەدى اكىمدىكتىڭ باسپا ءسوز قىزمەتىندەگىلەر.