تايلاند باس پروكۋرورى وتكەن جىلدىڭ مامىر ايىندا ت. چيناۆاتتىڭ تەلەكوممۋنيكاتسيا كومپانياسىنداعى سىبايلاس جەمقورلىق جونىندەگى، 2008-جىلعى شىلدەدە قوزعالعان ءىس بويىنشا سوت تالقىلاۋىن جالعاستىرۋدى ۇسىنعان. 6- ناۋرىزدا توعىز ادامنان قۇرالعان سوت القاسى وسى ءىستىڭ تىڭدالىمىن باستادى.
پروكۋراتۋرا ت. چيناۆات مەملەكەتتىك لاۋازىمدا بولعان كەزدە تەلەكوممۋنيكاتسيا كومپانياسىنىڭ كوممەرتسيالىق قىزمەتىنە ارالاستى، سالىق زاڭدىلىعىن وزگەرتۋ جانە مينيسترلەر كابينەتىنىڭ قاۋلىلارىن شىعارۋ جولىمەن كومپانيا تولەۋى ءتيىس سالىقتاردان بوساتتى دەپ سانايدى. سونىڭ سالدارىنان مەملەكەتكە 66 ميلليارد بات (2,1 ميلليارد ا ق ش دوللارى) مولشەرىندە زالال كەلتىرىلگەن.
ت. چيناۆات تايلاند پرەمەر-ءمينيسترى لاۋازىمىن 2001-2006-جىلدارى اتقارعان. 2006-جىلعى قىركۇيەكتە بيلىك باسىنان كەتكەن سوڭ شەتەلگە بارىپ پانالاعان.