ناۋرىزدا تاجىكستان پرەزيدەنتى قازاقستانعا ساپارمەن كەلەدى
13:13, 07 - ناۋرىز 2018
استانا. قازاقپارات - بيىل ناۋرىزدا تاجىكستان پرەزيدەنتى قازاقستانعا ساپارمەن كەلەدى. بۇل تۋرالى ق ر پارلامەنتى ءماجىلىسىنىڭ جالپى وتىرىسىندا ق ر سىرتقى ىستەر ءمينيسترى قايرات ءابدىراحمانوۆ ءمالىم ەتتى، دەپ حابارلايدى قازاقپارات.
«ەكى ەل اراسىنداعى ديپلوماتيالىق قارىم-قاتىناستار ءوزارا سەنىم مەن قولداۋعا نەگىزدەلگەن. ەكىجاقتى ىنتىماقتاستىقتى دامىتۋ بويىنشا ەلەۋلى ناتيجەلەرگە قول جەتكىزىلدى. قازاقستان مەن تاجىكستاننىڭ حالىقارالىق جانە وڭىرلىك كۇن تارتىبىندەگى ماسەلەلەر جونىندەگى ۇستانىمى سايكەس كەلەدى. 2018-جىلعى 14- ناۋرىزدا تاجىكستان پرەزيدەنتى ەمومالي راحموننىڭ قازاقستانعا جوسپارلانعان ساپارى ەكىجاقتى ارەكەتتەسۋدى، ارىپتەستىكتى جانداندىرادى. وسى ورايدا بۇل ساپار ءوزارا بايلانىستاردى ۇلكەن قادام بولماق»، - دەپ اتاپ ءوتتى قايرات ءابدىراحمانوۆ.