ايگىلى يتاليالىق ءانشى الەسساندرو ديماشتى عالامات داۋىس يەسى دەپ اتادى

استانا. قازاقپارات - يتاليانىڭ الەمگە ايگىلى وپەرا جانە ەسترادا ءانشىسى الەسساندرو سافينا ديماش قۇدايبەرگەننىڭ ونەرىنە ءتانتى ەكەنىن جازدى، دەپ حابارلايدى «قازاقپارات» ح ا ا ءتىلشىسى.

«ديماش قۇدايبەرگەن... ونىڭ داۋىسىن تىڭداپ كورىڭىز. وسىدان كەيىن ونىڭ قانشالىقتى عالامات ەكەنىنە كوزىڭىز جەتەدى»، - دەپ جازعان الەسساندرو سافينا ينستاگرامداعى پاراقشاسىندا ديماشتىڭ وتكەن جىلى قىتايداعى «I am Singer»  بايقاۋىندا ونەر كورسەتكەن ۆيدەونى بولىسكەن.

ايتا كەتسەك، ليريكالىق تەنور داۋسىمەن الەمدى مويىنداتقان يتاليالىق ءانشىنىڭ اتاعى 1990-جىلداردان باستاپ شىعا باستاعان. 1889 جىلى ول كاتي ريچچارەللي اتىنداعى حالىقارالىق ۆوكالدى بايقاۋدا العاشقى جۇلدەسىن جەڭىپ العاننان كەيىن وپەرا الەمىنە جارق ەتىپ شىققان.

الەسساندرو سافينانىڭ «Insieme a te» اتتى البومى الەمنىڭ 30 ەلىنە تارالىپ، برازيليا مەن تايۆاندا البوم اتاۋلىنىڭ «التىن» تۇعىرىنا كوتەرىلگەن. الەمنىڭ تۇكپىر-تۇكپىرىن شارلاعان يتاليالىق ءانشى قازاقستانعا دا بىرنەشە رەت كەلىپ، ونەر كورسەتىپ كەتكەن.