ماراپاتتاۋ ءراسىمى كەزىندە «وسكار» سىيلىعىن ۇرلاپ كەتتى

استانا. قازاقپارات - اكتريسا فرەنسيس ماكدورماندتىڭ «ميسسۋري، ەببينگ شەكاراسىنداعى ءۇش بيلبورد» فيلمىندەگى باستى ءرولى ءۇشىن العان «وسكار» سىيلىعىن ۇرلاپ كەتتى، دەپ حابارلايدى قازاقپارات euronews.com-عا سىلتەمە جاساپ.

«وسكار» سىيلىقتارىن ماراپاتتاۋ راسىمىندە بۇل جولى دا شۋ شىقتى. اكتريسا فرەنسيس ماكدورماندتىڭ «ميسسۋري، ەببينگ شەكاراسىنداعى ءۇش بيلبورد» (Three Billboards Outside Ebbing, Missouri) فيلمىندەگى باستى ءرولى ءۇشىن العان «وسكار» سىيلىعىنان ايىرىلىپ قالا جازدادى.

ونىڭ ناگراداسىن تەرري برايانت ەسىمدى بىرەۋ ۇرلاپ، كينو جۇلدىزدارىنىڭ اراسىنا جاسىرىنعان. كەشتەن ەشكىمگە بىلدىرمەي سىتىلىپ شىققان ول «ۇزدىك ايەلدەر ءرولى ءۇشىن» ناگراداسىمەن ماقتانعان ۆيدەوسىن «فەيسبۋكتە» جاريالادى. اكتريسانىڭ شاعىمىنان كەيىن پوليتسيا ۇرىنى ۇستاپ، مۇسىنشەنى زاڭدى يەسىنە قايتاردى.

امەريكا كينو اكادەمياسىنىڭ 90- «وسكار» سىيلىقتارىن تابىستاۋ سالتاناتى جەكسەنبى كۇنى لوس-اندجەلەس قالاسىندا ءوتتى.