ۇشاقتا شۋ شىعارعان قازاقستاندىق جولاۋشى رەسەيدە قىلمىستىق جاۋاپقا تارتىلادى
15:47, 06 - ناۋرىز 2018
استانا. قازاقپارات - ۇشاق بورتىندا ءىشىپ الىپ شۋ شىعارعان قازاقستان ازاماتىنا قاتىستى قىلمىستىق ءىس قوزعالدى، دەپ حابارلايدى «قازاقپارات» ح ا ا.
«ر ف تەرگەۋ كوميتەتىنىڭ ۋرالسك تەرگەۋ باسقارماسى قىزمەتكەرلەرى ۇشاق بورتىندا ءىشىپ الىپ شۋ شىعارعان قازاقستان ازاماتىنا قاتىستى قىلمىستىق ءىس قوزعادى. ول ر ف قىلمىستىق كودەكسىنىڭ «بۇزاقىلىق» بابى بويىنشا تەرگەۋگە الىندى» ، - دەپ جازىلعان باسقارما سايتىندا.
ۆەدومستۆو اقپاراتىنا سايكەس، ۇشاقتا شۋ شىعارعان قازاقستاندىق ازامات 19-20 -اقپاندا ەكاتەرينبۋرگ- پحۋكەت باعىتىندا AZUR air اۋەكومپانياسىنىڭ ۇشاق بورتىندا بايادەپ سوزدەر ايتىپ، بورتسەرىكتەر مەن ەكيپاج مۇشەلەرىنىڭ ەسكەرتۋىن قۇلاعىنا دا ىلمەگەن.