ءبىر اپتا ىشىندە ەلىمىزدىڭ سولتۇستىك وڭىرلەرىن گازداندىرۋ جونىندەگى جۇمىس توبى قۇرىلادى
«بەسىنشى باستاما - ەلدى گازبەن قامتاماسىز ەتۋدى جالعاستىرۋ. بۇل جوبانى جۇزەگە اسىرۋ ەلوردامىزدى ءارى ءبىرقاتار وڭىرلەردى گازبەن قامتاماسىز ەتۋگە مۇمكىندىك بەرەدى جانە ەكولوگيالىق احۋالدى جاقسارتادى»، - دەدى پرەمەر- مينيستر.
وسى ورايدا ۇكىمەت باسشىسى مۇددەلى مەملەكەتتىك ورگاندار مەن ۇلتتىق كومپانيالارعا ەلىمىزدىڭ سولتۇستىك وڭىرلەرىن گازداندىرۋ بويىنشا ارنايى جۇمىس توبىن قۇرۋدى تاپسىردى.
«ەنەرگەتيكا، قارجى، ۇلتتىق ەكونوميكا، ينۆەستيتسيالار جانە دامۋ مينيسترلىكتەرىنە، ءتيىستى ءوڭىر اكىمدىكتەرىنە، «سامۇرىق- قازىنا» قورىمەن جانە «بايتەرەك» حولدينگىمەن بىرلەسىپ، ءبىر اپتانىڭ ىشىندە جۇمىس توبىن قۇرۋدى جانە قىزىلوردا- جەزقازعان- قاراعاندى- تەمىرتاۋ- استانا باعىتى بويىنشا «سارى ارقا» گاز قۇبىرىن قارجىلاندىرۋ ماسەلەسىن، ونىڭ ىشىندە حالىقارالىق قارجى ينستيتۋتتارىنان قاجەتتى قارجىنى تارتۋ ارقىلى پىسىقتاۋدى تاپسىرامىن. جاۋاپتى مينيستر - قانات بوزىمبايەۆ. اسقار ۇزاقباي ۇلى، (ق ر پرەمەر- ءمينيسترىنىڭ ءبىرىنشى ورىنباسارى مامين) ءسىزدىڭ باقىلاۋىڭىزدا»، - دەدى باقىتجان ساعىنتايەۆ.