استانا اكىمدىگى سۋ تاسقىنىنا قارسى كەشەندى جوسپار ازىرلەدى

استانا. قازاقپارات - استانادا سۋ تاسقىنىنىڭ الدىن الۋ ماقساتىندا «2018 -جىلى ەلوردا اۋماعىندا تاسقىن سۋلاردى ۇيىمداسقان تۇردە وتكىزۋ بويىنشا كەشەندى جوسپار» بەكىتىلگەن. بۇل تۋرالى دۇيسەنبى كۇنى قالا اكىمىنىڭ ورىنباسارى قوسمان ايتمۇحامەتوۆ اپپارات جينالىسىندا مالىمدەدى،

 دەپ حابارلايدى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ.

بۇگىنگى كۇنى مايبالىق كولىنىڭ ماڭىن، قىزىلسۋات پەن ودان جوعارى اۋماقتاردى مارشرۋتتىق تەكسەرۋ بويىنشا بريگادا جۇمىس ىستەۋدە.

«وندا كوپ سۋ بولادى دەپ كۇتىلىپ وتىرعان جوق. قازىرگى ۋاقىتتا مايبالىقتا 20 پايىز سىيىمدىلىق قورى بار. وندا بۇگىن 60 ميلليون تەكشە مەتر سۋ بار. جالپى سىيىمدىلىعى - 82-84 ميلليون تەكشە مەتر»، - دەدى قوسمان ايتمۇحامەتوۆ.

سونداي- اق اتاپ وتىلگەندەي، الماتى جانە سارىارقا اۋداندارىنىڭ جەكە سەكتورلارىن ارالاۋ جۇمىستارى جۇرگىزىلدى. بۇل ماسەلە اۋدان اكىمدىكتەرىنىڭ نازارىندا، جاعداي تۇراقتى.

اكىم ورىنباسارىنىڭ ايتۋىنشا، باستى كوشەلەردەگى جاۋىن سۋلارىن اعىزاتىن كارىز جۇيەلەرىن اشۋ جۇمىستارى باستالدى.