ۆەنگريادا اباي ينستيتۋتى اشىلادى
س. امانجولوۆ اتىنداعى ش ق م ۋ بازاسىندا احمەت بايتۇرسىنوۆتىڭ 145 جىلدىعىنا ارنالعان كونفەرەنسيا ءوتتى. اتالمىش جاڭالىق وسى كونفەرەنسيا بارىسىندا ءمالىم بولدى. بۋداپەشت قالاسىندا قوس ەلدىڭ ۋنيۆەرسيتەت رەكتورلارىنىڭ فورۋمىنا قاتىسقان مۇحتار تولەگەن سەگەد ۋنيۆەرسيتەتىنىڭ باسشىلىعىمەن وسىنداي كەلىسىمگە كەلگەن.
«ماجارلار قازاق ەلىمەن رۋحاني بايلانىسىن نىعايتۋ ءۇشىن ءتىلىمىزدى ۇيرەنبەكشى. اباي ينستيتۋتى وسى ماقساتتا اشىلىپ وتىر. بىزدەن باراتىن قوس وقىتۋشى سەگەد ۋنيۆەرسيتەتىنىڭ بازاسىندا قانداستارىمىزعا قازاق ءتىلىن ۇيرەتەدى. ينيستيتۋت ءبىزدىڭ تاراپتان قارجىلاندىرىلادى»، - دەيدى رەكتور مۇحتار تولەگەن.
ش ق م ۋ بازاسىندا وتكەن كونفەرەنسيا «احمەت بايتۇرسىن ۇلى جانە قازاق جازۋىنىڭ تاريحى» تاقىرىبىنا ارنالدى. عىلىمي- تاجىريبەلىك كونفەرەنسيانىڭ پلەنارلىق وتىرىسىندا قازاق جازۋىنىڭ تاريحى، ا. بايتۇرسىنوۆتىڭ قازاق ءتىل ءبىلىمىنىڭ دامۋىنا قوسقان ۇلەسى جانە لاتىن قارپىنە نەگىزدەلگەن جاڭا ءالىپبيدىڭ ەرەكشەلىكتەرى تالقىعا سالىندى.
كونفەرەنسيا اياسىندا قاتىسۋشىلار «لاتىن ءالىپبيى - وركەنيەت جازۋى» جانە «ا. بايتۇرسىنوۆتىڭ ەڭبەگى جانە جازۋ رەفورماسى» اتتى ەكى سەكسيادا جۇمىس ىستەۋدە.
اۆتور: ەسىمجان ناقتىباي