قىتاي ەكونوميكاسىنىڭ ەرەكشەلىكتەرى قانداي - قىتايلىق ساراپشىلار پىكىرى

بەيجىڭ. قازاقپارات - قىتايلىق ساراپشىلار ق ح ر مەملەكەتتىك كەڭەسىنىڭ پرەمەرى لي كىشياڭنىڭ جالپى قىتاي حالىق وكىلدەرى جينالىسىنىڭ ءبىرىنشى سەسسياسىندا سويلەگەن ۇكىمەت جۇمىسى تۋرالى بايانداماسىنا قاتىستى پىكىر ءبىلدىردى، دەپ حابارلايدى «قازاقپارات»  ح ا ا قىتايداعى مەنشىكتى ءتىلشىسى.

ق ك پ ورتالىق كوميتەتى جانىنداعى پارتيالىق مەكتەپتىڭ ماكروەكونوميكا كافەدراسىنىڭ مەڭگەرۋشىسى، ەكونوميكا ءبولىمىنىڭ پروفەسسورى چىڭ جتسين «ەكونوميكانىڭ جوعارى ساپالى دامۋىن جان- جاقتى ىنتالاندىرۋ» تۋرالى بايانداما بولىگىنە نازار اۋداردى.

«قىتايدىڭ ەكونوميكالىق دامۋى تۇرعىسىنان قاراساق، ونىڭ اۋقىمى مەن جىلدامدىعىنا اسا كوڭىل ءبولىنىپ جاتقان جوق. بار نازار ەكونوميكاداعى ساپا مەن تيىمدىلىكتە. 2016 -جىلى قىتايدىڭ ج ءى و  ا ق ش- پەن سالىستىرعاندا، 7 تريلليون دوللارعا از بولدى. ءبىراق، الەمدەگى ءۇشىنشى ەكونوميكالىق سۋەكت بولىپ سانالاتىن جاپونيادان 6 تريلليون دوللارعا كوپ ەدى. ەسەپتەرگە سايكەس، قىتاي 2027 -جىلعا قاراي امەريكا قۇراما شتاتتارىنان اسىپ ءتۇسۋى مۇمكىن. ەكونوميكالىق ءوسىمنىڭ ۋاقىتشا تومەندەۋىنە قاراماستان، قىتايدىڭ ەكونوميكالىق دامۋ جىلدامدىعى جوعارى»، - دەدى ول.

ق ك پ ورتالىق كوميتەتى جانىنداعى پارتيالىق مەكتەپتىڭ ەكونوميكا ءبولىمىنىڭ اعا وقىتۋشىسى چجوۋ يۋەحۋەي ساپالى ەكونوميكالىق دامۋعا قول جەتكىزۋ ءۇشىن جان- جاقتى اشىقتىقتىڭ جاڭا ارحيتەكتونيكاسىن قۇرۋ قاجەت دەپ ەسەپتەيدى.

ونىڭ ايتۋىنشا، 1978 -جىلى رەفورمالار مەن اشىقتىق ساياساتى العاش جۇرگىزىلە باستاعاندا، قىتاي ەكونوميكاسىنىڭ اشىقتىق دەڭگەيى وتە تومەن بولاتىن. شەتەلدىك قىتايعا ينۆەستيتسياسى مەن قىتايدىڭ سىرتقى ينۆەستيتسياسى 20 ميلليون دوللارعا جەتپەيتىن. قىرىق جىلدان كەيىن بۇل كورسەتكىشتەر الەمدىك ورتاشا دەڭگەيدەن استى. قىتاي مەملەكەتتىك ستاتيستيكالىق باسقارماسىنىڭ سوڭعى دەرەكتەرىنە سايكەس، قىتاي ەكسپورتى مەن يمپورتىنىڭ جالپى كولەمى 27,79 تريلليون يۋاندى قۇرادى. بۇل وتكەن جىلمەن سالىستىرعاندا 14,2 پايىزعا ارتىق جانە جالپى تاۋار اينالىمى بويىنشا قىتاي ا ق ش- پەن تەڭەستى.

«بىزگە ەكىجاقتى اشىقتىق دەڭگەيىن كوتەرىپ، ساۋدا شيەلەنىستەرىن شەشۋ قاجەت. ءوزارا جانە جالپى تيىمدىلىك ءۇشىن اشىق ستراتەگيانى ۇستانۋ كەرەك. اشىقتىقتىڭ باستاماشىسى بولا وتىرىپ، حالىقارالىق باسەكەدە جەڭىپ، دامۋدىڭ ديۆيدەنتتەرىن الۋعا بولادى»، - دەپ ءوز ءسوزىن تۇيىندەدى چجوۋ يۋەحۋەي.