قۇرىلىسشىلاردىڭ پىكىرىنشە، كوپىر 8 بالدىق جەر سىلكىنىسىنە توتەپ بەرە الادى ەكەن. گونكونگ، چجۋحاي جانە ماكاونى بايلانىستىرىپ تۇرعان كوپىردى كەم دەگەندە 120 جىل پايدالانۋعا بولادى.
بۇل تۋرالى Stan.kz اقپاراتتىق اگەنتتىگى حابارلايدى.
قۇرىلىس ۇزىندىعى 55 شاقىرىم بولاتىن كوپىر سەگىز جىلدا سالىنىپ ءبىتتى. الەمدەگى ەڭ ۇزىن تەڭىز كوپىرىن تۇرعىزۋ 14,16 ميلليارد ەۋروعا باعالانعان. سەگىز جىلعا سوزىلعان قۇرىلىستا ءۇش جاساندى ارالدار مەن الەمدەگى ەڭ ۇزىن سۋ استى وتكەلى قۇرىلعان.
2018 -جىلى گونكونگ، ماكاو جانە چجۋحايدى بايلانىستىراتىن الەمدەگى ەڭ ۇزىن كوپىر ىسكە قوسىلدى. قۇرىلىس ۇزىندىعى 55 شاقىرىمدى قۇرايدى، ونىڭ 38 ى كوپىردىڭ ءار ءتۇرلى ۋچاسكەلەرىنە جاتادى. وعان قوسا، ۇزىندىعى 7 شاقىرىم بولاتىن سۋ استى تۋننەلى مەن جاساندى ارالدار سالىنعان. كوپىردىڭ نەگىزگى ۇزىندىعى شامامەن 30 شاقىرىم. سونداي- اق قوزعالىس ءۇشىن ءار باعىتتا جۇرەتىن ءۇش جولاق بار.
قۇرىلىس 2009 -جىلى ەكولوگيالىق تالاپتاردى ەسكەرە وتىرىپ، ءوڭىردىڭ تەڭىز الەمىنە زيان كەلتىرمەۋ ءۇشىن جۇرگىزىلدى. سونىمەن قاتار كوپ قاباتتى تەڭىز كەمەلەرىنىڭ ءوتۋىن قامتاماسىز ەتۋ ماقساتىندا تۋنەلدەر مەن كابەلدى كوپىرلەر سالىندى.
نەگىزگى جۇمىستار 2017 -جىلدىڭ شىلدەسىندە اياقتالدى، ال كوپىردەگى قوزعالىس جىل سوڭىنا دەيىن ىسكە قوسىلادى دەپ كۇتىلۋدە. الايدا شەكارالىق باقىلاۋ تەتىكتەرىن ۇيلەستىرۋ جۇمىستارى ءالى دە اياقتالعان جوق. ال گونكونگ پەن ماكاو ق ح ر قۇرامىنا كىرسە دە، ارنايى اكىمشىلىك قۇرىلىم بولىپ تابىلادى.
جاساۋشىلاردىڭ پىكىرىنشە، كەم دەگەندە 120 جىل پايدالانۋعا بولاتىن كوپىر 8 بالدىق جەر سىلكىنىسىنە توتەپ بەرە الادى ەكەن.
كوپىردىڭ قۇرىلىسىنا 60 ەيفەل مۇناراسىن تۇرعىزۋعا جەتەتىندەي 420 مىڭ توننا بولات جۇمسالعان.
قۇرىلىس الەمدەگى كوپىر ۇزىندىعى بويىنشا ءتورتىنشى ورىن الادى. العاشقى ەڭ ۇزىن ءۇش كوپىر دە قىتايعا تيەسىلى. ءبىرىنشى ورىندا دانيان- كۋنشان ۆيادۋسى. ول 2011 -جىلى شىعىس قىتايدا سالىنعان. ونىڭ ۇزىندىعى 164,8 شاقىرىم بولعانىمەن، تەك 9 شاقىرىمى عانا سۋدىڭ ۇستىنەن وتەدى. ەكىنشى ورىندا ۇزىندىعى 113,7 شاقىرىمدى الاتىن تيانجيىڭ ۆيادۋسى. ەكى كوپىر دە پەكين- شانحاي جىلدامدىقتى تەمىر جولىنىڭ بولىگى بولىپ تابىلادى. ءۇشىنشى كوشباسشى 79,7 شاقىرىمدىق ۆەي كوپىرى. ول قىتايداعى باسقا تەمىرجول جەلىسىنىڭ بولىگى. كوپىر ەكى رەت ۆەي وزەنىن قيىپ، سونداي- اق باسقا دا وزەندەر، جولدار مەن تەمىرجولداردى كەسىپ وتەدى.