بۇل تۋرالى بۇگىن ق ر ادىلەت مينيسترلىگىندە زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيانىڭ كەزەكتى وتىرىسىندا تالقىلاندى.
«نەكە جانە وتباسى كودەكسىنىڭ 188-بابىنا «قازاقستان رەسپۋبليكاسىنان تىس جەردە تۋعان، ءبىراق قازىرگى ۋاقىتتا ەل اۋماعىندا تۇراقتى تۇراتىن ق ر ازاماتتارى ءبىر رەت ءوز تۋعان جەرىن وزگەرتىپ، تۋعان جەرى رەتىندە قازاقستان رەسپۋبليكاسىنىڭ اكىمشىلىك اۋماقتىق ورنىن كورسەتە الاتىنى تۋرالى» وزگەرىس ەنەتىنىن وقىدىم. بۇل نورما نە تۋرالى جانە نە ءۇشىن قاجەت؟ » ، - دەدى «سامۇرىق- قازىنا» ا ق قۇقىقتىق قولداۋ جانە تاۋەكەلدەر بويىنشا باسقارۋشى ديرەكتورى عاني بيتەنوۆ «ق ر كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر ەنگىزۋ تۋرالى» زاڭ جوباسىن تالقىلاۋ بارىسىندا.
ونىڭ سۇراعىنا اتالعان زاڭ جوباسىن ازىرلەۋگە قاتىسقان ق ر اقپارات جانە كوممۋنيكاتسيالار مينيسترلىگىنىڭ جاۋاپتى حاتشىسى جانات قوجاحمەتوۆ جاۋاپ بەردى.
«بۇل ءبىزدىڭ ازاماتتارعا ىڭعايلى بولۋى ءۇشىن جاسالىپ وتىر. ماسەلەن، بالا ق ر اۋماعىنان تىس جەردە دۇنيەگە كەلدى جانە تۋۋ تۋرالى كۋالىگىندە سول مەكەنجايى كورسەتىلىپ تۇرادى. ەش قيىندىقتار تۋىنداماۋى ءۇشىن ول تۋعان جەرى رەتىندە قازاقستان رەسپۋبليكاسىنىڭ اكىمشىلىك اۋماقتىق ورنىن كورسەتكىسى كەلەدى. سول ءۇشىن ق ر ازاماتى بولىپ تابىلاتىن جاندارعا تۋعان جەرىن ءبىر رەت وزگەرتۋگە مۇمكىندىك بەرۋدى ۇيعاردىق. ءبىزدىڭ پىكىرىمىزشە، مۇندا ەش قيىندىق جوق» ، - دەدى ج. قوجاحمەتوۆ.
«سوندا ول ادامدار تۋعان جەرىن وزگەرتۋ ارقىلى پرەزيدەنتتىك سايلاۋعا قاتىسا الا ما؟ » دەگەن سۇراق قويىلدى. بۇل سۇراققا ق ر پارلامەنتى ءماجىلىسىنىڭ دەپۋتاتى مايرا ايسينا جاۋاپ بەردى.
«كونستيتۋتسيادا تۋمىسىنان رەسپۋبليكا ازاماتى بولىپ تابىلاتىن، قىرىق جاسقا تولعان، مەملەكەتتىك ءتىلدى ەركىن مەڭگەرگەن، قازاقستاندا سوڭعى ون بەس جىل بويى تۇراتىن جانە جوعارى ءبىلىمى بار ازاماتتىڭ پرەزيدەنتتىككە سايلانا الاتىنى جازىلعان. بۇل كونستيتۋتسياعا ەش قايشى كەلمەيدى. سوندىقتان، بالالارى وزگە ەلدە تۋعان اتا- انالارعا ءبىر مۇمكىندىك بەرۋدى شەشتىك» ، - دەدى مايرا ايسينا.