قىتاي «ءبىر بەلدەۋ، ءبىر جول» ستراتەگياسىن كۇشەيتىپ جاتىر

بەيجىڭ. قازاقپارات - قىتاي «ءبىر بەلدەۋ، ءبىر جول» ستراتەگياسى مەن باعدارلاماسىن دامىتۋ اياسىندا شەت ەلدەرمەن بايلانىستى نىعايتا تۇسپەك. بۇل تۋرالى جالپىقىتايلىق جيىننىڭ ءبىرىنشى سەسسياسىندا ق ح ر مەملەكەتتىك كەڭەسىنىڭ پرەمەرى لي كىشياڭ مالىمدەدى، دەپ حابارلايدى «قازاقپارات» ح ا ا بەيجىڭدەگى مەنشىكتى ءتىلشىسى.

«ءبىر بەلدەۋ، ءبىر جول» باستاماسى اياسىنداعى حالىقارالىق سەرىكتەستىكتى دامىتۋدا بىرلەسكەن كەڭەس، بىرلەسكەن قۇرىلىس، بىرلەسە پايدالانۋ پرينتسيپتەرىنە سۇيەنەمىز»، - دەدى ول.

لي كىشياڭنىڭ ايتۋىنشا، قىتايدىڭ العا قويعان ماقساتى ەلدىڭ باتىسىنداعى شەكارالىق اۋداندارىنىڭ اشىقتىق دەڭگەيىن جوعارىلاتىپ ەكونوميكالىق سەرىكتەستىك كەڭىستىگىن ۇلعايتۋ. قىتاي ءوندىرىسى مەن قىزمەتىن شەتەلگە شىعارۋدى ىنتالاندىرۋ. سونىمەن قاتار ول حالىقارالىق كولىك دالىزدەرىن كۇشەيتىپ «ءبىر بەلدەۋ، ءبىر جول» باعدارلاماسىنا قاتىسۋشى ەلدەر اراسىنداعى كەدەندىك ىنتىماقتاستىققا كۇش سالۋدىڭ قاجەتتىلىگىن باسا ايتتى.

ءوتىپ جاتقان سەسسيادا قىتاي ەلى ءۇشىن اسا ماڭىزدى شەشىمدەر قابىلدانباق.