قىتايدىڭ قورعانىسقا جۇمسايتىن قاراجاتى وزىق ەلدەردەن تومەن
بۇل تۋرالى جەكسەنبى كۇنى بۇكىل قىتايلىق حالىق وكىلدەرى جينالىسىنىڭ 13- شاقىرىلىمى 1-سەسسياسىنىڭ رەسمي وكىلى جاڭ ەسۋي باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات شينحۋاعا سىلتەمە جاساپ.
ونىڭ ايتۋىنشا، قىتايدىڭ ۇلتتىق بيۋدجەتتىك شىعىندارى مەن ج ءى ءو- دەگى قورعانىس بيۋدجەتىنىڭ ۇلەسى الەمدەگى باسقا دا الدىڭعى قاتارلى ەلدەردەن تومەن. ەلدىڭ جان باسىنا شاققانداعى اسكەري شىعىندارى دا باسقا جەتەكشى ەلدەرمەن سالىستىرعاندا از.
جاڭ ەسۋي اتاپ وتكەندەي، قىتايدىڭ ارتتىرىلعان قورعانىس بيۋدجەتىنىڭ اۋقىمدى بولىگى قورعانىس سالاسىنا وتكەن جىلدارى جەتكىلىكسىز قۇيىلعان قاراجاتتىڭ ورنىن تولتىرۋ ءۇشىن باعىتتالعان. ماسەلەن، قاراجاتتار نەگىزىنەن جابدىقتاردى جاڭعىرتۋعا، اسكەري قىزمەتشىلەردىڭ ءال- اۋقاتىن جاقسارتۋعا، سونداي-اق جەرگىلىكتى اسكەرلەردىڭ ءومىر ءسۇرۋى مەن ءبىلىم الۋىنا باعىتتالعان.
«قىتاي بەيبىتشىلىكتى ماقساتتاعى دامۋدى ۇستانۋدى جالعاستىراتىن بولادى. ق ح ر- دىڭ قورعانىس ساياساتى قورعانۋ سيپاتىنا يە، قىتايدىڭ دامۋى باسقا ەشبىر ەلگە قاۋىپ توندىرمەيدى»، - دەدى ول.