قازاقستاندىق وقۋشى ماسكەۋدەن جۇلدەمەن ورالدى
ماسكەۋ قالاسىندا وتكەن «شەكاراسىز عىلىم: قازاقستان- رەسەي» اتتى 3-حالىقارالىق عىلىمي-تاجىريبەلىك كونفەرەنتسياسىندا باياناۋىل اۋدانىنىڭ 2№ جالپى ورتا ءبىلىم بەرەتىن مەكتەبىنىڭ 8 «ب» سىنىپ وقۋشىسى راتمير ناستاس 1- ورىن يەگەرى اتاندى. بۇل تۋرالى اۋداندىق ءبىلىم بەرۋ ءبولىمىنىڭ باس مامانى ماحاببات ءسادۋاقاسوۆا ايتتى.
«گۋمانيتارلىق، جاراتىلىستانۋ جانە فيزيكا- ماتەماتيكا باعىتىندا وتكەن اتالمىش بايقاۋدا ت م د ەلدەرىنەن كىل مىقتى 100 دەن استام وقۋشى مەن ستۋدەنت قاتىسقان. ءبىزدىڭ قازاقستاننىڭ اتىنان بارعان راتمير ەل ءۇمىتىن اقتاپ كەلدى. ونى دايىنداعان جەتەكشىلەرى، پەداگوگ-پسيحولوگتار پولينا شۋمەيكو مەن مارينا شۋمەيكونىڭ ەڭبەكتەرى زور ەكەنىن اتاپ وتكەن ءجون. ولار ۇستازدارعا ارنالعان «جاڭا تەحنولوگيالار مەن پەداگوگيكالىق پراكتيكا» اتتى 3-حالىقارالىق عىلىمي-تاجىريبەلىك كونفەرەنتسيادا ديپلومدارمەن ماراپاتتالدى»، - دەيدى ماحاببات ءسادۋاقاسوۆا.
مارينا شۋمەيكونىڭ ايتۋىنشا، راتمير ناستاس «باياناۋىل ۇلتتىق پاركىنىڭ ەكوجۇيەسىندەگى كىشى اقتىستى جەرتەسەردى قورعاۋ» تاقىرىبىنداعى جوباسىن ءساتتى قورعاپ، ەكولوگيا سەكتسياسىندا «شەكاراسىز عىلىم: قازاقستان-رەسەي» مەدالى مەن ديپلومعا يە بولعان.