قازاقستاندىق تەلەارنالار «وسكار» جۇلدەسىن تىكەلەي ەفيردەن كورسەتەدى
5- ناۋرىز كۇنى كورسەتىلىم تاڭعى 5.30 دا «ەل ارنا» تەلەارناسىندا جۇلدىزدى قوناقتاردىڭ لوس-اندجەلەس قالاسىندا ورنالاسقان «دولبي» تەاترىنداعى قىزىل كىلەمنەن ءجۇرىپ ءوتۋ سالتاناتىنان باستالادى.
تاڭعى ساعات 7.00 دە ماراپاتتاۋدىڭ نەگىزگى بولىگى «حابار» تەلەارناسىندا جالعاسادى.
كەشتى تانىمال تەلەجۇرگىزۋشى جانە كوميك دجيممي كيممەل جۇرگىزەدى.
«حابار» جانە «ەل ارنا» تەلەارنالارىنداعى شاراعا بەلگىلى كينوسىنشىلار دميتري موستوۆوي، نۇرجان ەركىن ۇلى جانە كاريم كادىربايەۆ كوممەنتاتورلىق ەتەدى.
«وسكار» جۇلدەسىن دۇنيەجۇزىندەگى بارلىق كينوسۇيەر قاۋىم كۇتەدى، بۇل كينويندۋسترياداعى ەڭ باستى وقيعالاردىڭ ءبىرى. «حابار» اگەنتتىگى وسىمەن بىرنەشە رەت قازاقستان اۋماعىندا اتالمىش سىيلىقتى كورسەتۋ قۇقىنا يە بولىپ كەلەدى. ءبىز ءۇشىن كورەرمەندەرىمىزدىڭ بۇكىل الەممەن بىرگە اۋقىمدى شارانى تىكەلەي ەفيردە، ءوز ءىسىنىڭ شەبەرلەرى دميتري موستوۆوي، نۇرجان ەركىن ۇلى جانە كاريم كادىربايەۆتىڭ كوممەنتاتورلىعىمەن كورە الاتىندىعى ۇلكەن قۋانىش» - دەيدى «حابار» ارناسىنىڭ ديرەكتورى ەرلان يگىسىنوۆ.
سالتاناتتى شارا پحەنچحان قالاسىنداعى وليمپيادا ويىندارىنا بايلانىستى ناۋرىز ايىنا اۋىستىرىلعان بولاتىن.
جىلداعى ءداستۇر بويىنشا «ۇزدىك فيلم»، «ۇزدىك رەجيسسەرلىك جۇمىس»، «ۇزدىك اكتەر»، «ۇزدىك اكتريسا» جانە ت. ب. اتالىمدار بويىنشا 24 جەڭىمپازعا ستاتۋەتكا تابىس ەتىلەدى.
بيىل رەجيسسەر گيلەرمو دەل تورونىڭ «فورما ۆودى» كارتيناسى 13 اتالىمعا ۇسىنىلىپ، نوميناتسيا سانى بويىنشا كوش باستاپ تۇر. ونان كەيىن «ديۋنكەرك» فيلمى 8 نوميناتسياعا، ال «تري بيلبوردا نا گرانيتسە ەببينگا، ميسسۋري» تۋىندىسى 7 نوميناتسياعا ۇسىنىلعان.