استانادا باستالعان ناۋرىز ەستافەتاسى الماتىدا جالعاستى - فوتو

الماتى. قازاقپارات - استانالىقتار جولداعان ناۋرىز مەرەكەسىنىڭ ەستافەتاسىن الماتىلىقتار سالتاناتپەن قابىلداپ الدى، دەپ حابارلايدى قازاقپارات ءتىلشىسى.

م. اۋەزوۆ اتىنداعى اكادەميالىق دراما تەاتردىڭ الدىندا جينالعان تەاتر ارتىستەرى مەن ت. جۇرگەنوۆ اتىنداعى ونەر اكادەمياسىنىڭ ستۋدەنتتەرى ءان سالىپ، بي بيلەپ، مەگاپوليستەگى ءاز- ناۋرىزدىڭ تويلاۋدى باستاپ بەردى. «قوش كەلدىڭ، ناۋرىز» دەپ اتالاتىن فلەش- موب ەستافەتاسىن قابىلداپ العان ونەر ۇجىمى ۇلتتىق كيىمدە «ناۋرىز» دەگەن سوزگە قۇرالدى.

«وسىلايشا، ءبىز ناۋرىزدى تويلاۋدى باستادىق. ناۋرىز - جىل باسى، جاڭارۋ! مۇنداعى بارلىق ارتىستەر، انشىلەرمەن ستۋدەنتتەر كوپ ۇلتتى حالقىمىزدى وسىلايشا جىل باسىمەن قۇتتىقتايدى»، - دەدى ۇيىمداستىرۋشىلار.

شارادا «سالتانات» ءانسامبلىنىڭ بيشىلەرى قازاق ءبيىن بيلەسە، ارتىستەر ۇلتتىق اندەردى شىرقادى. كەلۋشىلەر باۋىرساقتان ءدام تاتتى. شاراعا شىعارماشىلىق ۇجىمداردان بارلىعى 300-دەناستام ادام قاتىستى.

ەندى «ناۋرىز» فلەش- موبى ەستافەتاسىن شىمكەنت قالاسى قابىلداپ الادى.