قازاقستاندىق فريستايلشى الەم كۋبوگىنىڭ قولا جۇلدەگەرى اتاندى

استانا. قازاقپارات - قازاقستاندىق فريستايلشى دميتري رەيحەرد جاپونيانىڭ تادزاۆاكو قالاسىندا ءوتىپ جاتقان الەم كۋبوگىنىڭ كەزەڭىندە قولا مەدال جەڭىپ الدى، دەپ حابارلايدى قازاقپارات ق ر ۇ و ك سايتىنا سىلتەمە جاساپ.

بۇگىن الەم كۋبوگىنىڭ كەزەڭىندە ەرلەر اراسىنداعى سايىسقا تۇسكەن وتانداسىمىز دميتري رەيحەرد ءۇشىنشى ورىنعا يە بولدى. ول كانادالىق مايكل كينگسبەرري مەن جاپونيالىق يكۋما حوريسيماعا جول بەرىپ قويدى. پاۆەل كولماكوۆ بولسا جارىستى 26-شى ورىندا اياقتادى.

ايەلدەر اراسىنداعى سايىستا پحەنچحانداعى وليمپيادا ويىندارىنىڭ قولا جۇلدەگەرى يۋليا گالىشەۆا جەتىنشى ورىن الىپ، سۋپەرفينالعا شىعا المادى. جەڭىس فرانسيالىق پەرين ليافونتقا بۇيىردى.

فريستايل، موگۋل

الەم كۋبوگىنىڭ كەزەڭ، تادزاۆاكو، جاپونيا

ەرلەر

1. يكۋما حوريسيما (جاپونيا) - 91.03

2. مايكل كينگسبەرري (كانادا) - 89.27

3. دميتري رەيحەرد (قازاقستان) - 87.26

... 26. پاۆەل كولماكوۆ (قازاقستان) - 73.26

ايەلدەر

1. پەرين ليافونت (فرانسيا) - 83.03

2. جيۋستين ديۋفۋر- لياپوينت (كانادا) - 81.33

3. كيتون ماككارگو (ا ق ش) - 81.06

... 7. يۋليا گالىشەۆا (قازاقستان) - 78.18

اۆتور: كۇنسۇلتان وتارباي