قورعاستا جۇك تاسىمالداۋ جۇيەسى رەتكە كەلمەك

استانا. قازاقپارات - «قورعاس» شەكارا ماڭى حالىقارالىق ورتالىعى (ش ى ح و) جولاۋشىلار جانە جۇك تاسىمالداۋ جۇيەسىنە وزگەرىس ەنگىزەدى، دەپ حابارلايدى قازاقپارات.

«قورعاس» ش ى ح و باسپا ءسوز قىزمەتىنىڭ مالىمەتىنە سۇيەنسەك، كەلۋشىلەر سانى بىلتىرعى جىلمەن سالىستىرعاندا ەكى ەسەگە وسكەن.

«بىلتىر ش ى ح و- نىڭ قازاقستاندىق جاعىنان 1800 گە جۋىق ادام كىرسە، قازىر بۇل كورسەتكىش 3000 تۋريستكە دەيىن جەتەدى. 2017-جىلى «قورعاس» ش ى ح و قازاقستاندىق بەكەتى 1 ميلليون 134 مىڭ ادامدى قابىلدادى. بۇل بۇرىن-سوڭدى بولماعان جاعداي. بۇگىندە اۆتوبۋستار ارقىلى زاڭسىز جۇك تاسۋشىلارمەن كۇرەس جۇمىستارى قولعا الىندى. سولاردىڭ كەسىرىنەن ءبىراز كەپتەلىستەر ورىن الىپ جاتادى»، - دەلىنگەن باسپا ءسوز قىزمەتى حابارلاماسىندا.

سوڭعى كۇندەرى ەنگىزىلگەن وزگەرىسكە سايكەس، ەندى ءبىر جولاۋشى وزىمەن ءبىر عانا سومكە الىپ جۇرە الادى. ال باسقا جۇكتەر «قازپوشتا» پۋنكتتەرى ارقىلى جۇزەگە اسادى. بۇل رەگلامەنت كەدەن قىزمەتىمەن كەلىسىلدى.

«جازعا قاراي جاڭا اۆتوبۋس پاركى اشىلماق. جاڭادان 50 اۆتوبۋس ساتىپ الىنادى. وسىلايشا، جولاۋشىلار اۆتوبۋسى جۇك تاسىمالداۋدان شەتتەتىلەدى. ءار اۆتوبۋسقا جۇك تەرمينالدارى ورناتىلادى. سونداي-اق، ش ى ح و قىتايلىق جاعىنان جۇك قابىلدايتىن تاعى 3 ورتالىق اشىلادى دەپ كۇتىلۋدە. جەمقورلىق فاكتىلەرىن بارىنشا ازايتۋ جۇمىستارى جۇرگىزىلەدى»، - دەپ ءمالىم ەتتى «قورعاس» ش ى ح و باسپا ءسوز قىزمەتى.

«قورعاس» ش ى ح و جولاۋشىلاردان ۋاقىتشا ورىن العان قولايسىزدىقتار ءۇشىن كەشىرىم سۇرايدى. جاقىن كۇندەرى جولاۋشىلار جانە جۇك تاسىمالداۋ جۇيەسى رەتكە كەلمەك.