رەسپۋبليكالىق جىر ءمۇشايراسىندا باتىس قازاقستاندىق قوس ستۋدەنت توپ جاردى
م. وتەمىسوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ اعا وقىتۋشىسى، ماگيستر ايداربەك اقبولاتوۆتىڭ ايتۋىنشا، اتالمىش فەستيۆالدى ءى. جانسۇگىروۆ اتىنداعى جەتىسۋ مەملەكەتتىك ۋنيۆەرسيتەتى ءىلياس جانسۇگىروۆ، ساكەن سەيفۋللين، بەيىمبەت مايلين سىندى الاش ارىستارىنىڭ ومىردەن وتكەنىنە 80 جىل تولۋىنا وراي ۇيىمداستىردى.
فەستيۆال اياسىندا «سوعايىن سوزىمنەن ءبىر سۇلۋ ساراي» اتتى جىر ءمۇشايراسى، سونداي-اق «تار جولدى، تايعاق كەشۋلى تاعدىرلار» (ءى. جانسۇگىروۆ، س. سەيفۋللين، ب. مايلين) اتتى عىلىمي جوبا بايقاۋى جانە ءى. جانسۇگىروۆ، س. سەيفۋللين، ب. مايلين مۇرالارىن زەرتتەۋگە ارنالعان «ءىلياس مۇراسى جانە الاشتانۋ ماسەلەلەرى» اتتى جاس عالىمدار مەن ستۋدەنت جاستارعا ارنالعان رەسپۋبليكالىق عىلىمي-پراكتيكالىق كونفەرەنسيا وتكىزىلدى.
جىر بايگەسىندە م. وتەمىسوۆ اتىنداعى ب ق م ۋ ستۋدەنتى، قازىرگى كەزدە ءبىر جىلدىق گرانتپەن الماتىداعى ءال-فارابي اتىنداعى قاز م ۇ ۋ- دا ءبىلىم الىپ جۇرگەن مارلەن عيلىمحان باس جۇلدەنى جەڭىپ الدى. سونداي-اق م. وتەمىسوۆ اتىنداعى ب ق م ۋ- دىڭ 4 كۋرس ستۋدەنتى ماديار تولەۋوۆ ءبىرىنشى ورىنعا يە بولدى.
ايتا كەتەيىك، بۇلاردىڭ ەكەۋى دە - وسىنداي جىر دودالارىندا باس بايگە الىپ جۇرگەن تالانتتى جاستار.