شىعىپ قالعان ءماسليحات دەپۋتاتتارىنىڭ ورنىنا كانديداتتاردى تىركەۋ اياقتالدى- و س ك

استانا. قازاقپارات - 2018-جىلعى 28- اقپاندا قازاقستاندا شىعىپ قالعان ءماسليحات دەپۋتاتتارىنىڭ ورنىنا كانديداتتاردى تىركەۋ اياقتالدى، دەپ حابارلايدى ق ر ورتالىق سايلاۋ كوميسسياسىنىڭ باسپا ءسوز قىزمەتى.

رەسپۋبليكا بويىنشا بارلىعى 214 كانديدات تىركەلگەن. اقمولا وبلىسى بويىنشا - 9 كانديدات، اقتوبە - 12، الماتى - 18، اتىراۋ - 18، شىعىس قازاقستان - 6، جامبىل - 10، باتىس قازاقستان - 12، قاراعاندى - 29، قوستاناي - 41، قىزىلوردا - 12، مانعىستاۋ - 3، پاۆلودار - 16، سولتۇستىك قازاقستان - 9، وڭتۇستىك قازاقستان وبلىسى - 13، الماتى قالاسى بويىنشا 6 كانديدات تىركەلدى.

سايلاۋ ناۋقانى سايلاۋ زاڭناماسى نورمالارىنىڭ شارتتارىنا سايكەس وتۋدە. سايلاۋ كوميسسيالارىنا شاعىمدار مەن وتىنىشتەر كەلىپ تۇسكەن جوق.

ايتا كەتسەك، شىعىپ قالعان ءماسليحات دەپۋتاتتارىنىڭ ورنىنا دەپۋتاتتاردى سايلاۋ 68 سايلاۋ وكرۋگىندە اعىمداعى جىلدىڭ 25-ناۋرىزىندا وتەدى. 10 وبلىستىق دەپۋتات، 17 قالالىق جانە 41 اۋداندىق ءماسليحات دەپۋتاتى سايلانادى.